Sport

Pique i inatosur që fëmijët do të shkojnë në Miami dhe do të fillojnë mësimet më 11 prill

Ish-futbollisti i Barcelonës do të zemërohej për shkak të kohës së shkurtër me të cilën u lajmërua

1 Prill 2023, 19:34 Nga DOSJA

Pique i inatosur që fëmijët do të shkojnë në Miami

SPANJE - Shakira është gati të kthejë faqe në jetën e saj, pas ndarjes me Gerard Piqué, pasi më në fund do të largohet nga Barcelona për të shkuar në Miami, ku do të jetojë.

Fillimisht, kalimi i kolumbianes në kontinentin amerikan ishte planifikuar për fillimin e vitit, por problemet shëndetësore të babait të saj, bënë që kjo datë të shtyhej. E megjithëse mendohej se udhëtimi i Shakirës me fëmijët për në shtëpinë e saj të re do të bëhej këtë të shtunë, data u zhvendos sërish dhe do të bëhet pas disa ditësh.

Të premten avokatja e artistes, Pilar Mañé, informoi kolegun e saj Ramón Tamborero, avokatin e Piqué, se ajo do të largohet nga Spanja dhe se lëvizja do të bëhet gjatë ‘Javës së Shenjtë’, pasi  Milani dhe Sasha do të fillojnë në shkollën e tyre të re më 11 prill.

Burime rreth Gerard Piqué, theksojnë se ish-futbollisti i Barcelonës, është i mërzitur nga kjo situatë: “Ai është shumë i zemëruar, sepse e kanë paralajmëruar vetëm tani”.

Pique i inatosur që fëmijët do të shkojnë në Miami

Megjithatë ata theksuan se, njoftimi për lëvizjen ishte bërë zyrtarisht përmes avokatëve, këngëtarja ka kontaktuar edhe Gerardin me telefon, për t'i thënë se fëmijët e saj tashmë kanë një vend në Miami Country Day, një shkollë ekskluzive.

Ish-futbollisti, përveç se është i mërzitur nga ndryshimi i vendbanimit të fëmijëve të tij, “ai nuk e di saktësisht se çfarë dite do të transferohen në Miami”, zbuluan burime pranë Pique. “Futbollisti nuk është dakord me faktin që të vegjlit nuk e mbarojnë vitin shkollor në Barcelonë ”, shtuan ata.

Fakti që Shakira dhe fëmijët e saj nisen për në Majami gjatë ‘Javës së Shenjtë’ nuk është rastësi, ka dy arsye: njëra është se këtë vit i takon kolumbianes t’i ketë fëmijët gjatë këtyre ditëve, ashtu siç ka rënë dakord nga ish-partneri. Arsyeja tjetër është sepse 11 prilli është dita kur fëmijët në Shtetet e Bashkuara kthehen në shkollë pas pushimeve pranverore .

B.T (Dosja.al)

Sondazh

Poll

MË SHUMË