Bota

"Duhet t'i gjejmë patjetër"/ Kim Jong-un "mbyll" qytetin me 200 mijë banorë, ushtria bastis çdo shtëpi, janë në kërkim të hajdutit

Zyrtarët personalë të Kim-it kontrolluan shtëpi më shtëpi për municion në qytetin Hyesan, i cili ka një popullsi prej rreth 200,000 banorësh.

27 Mars 2023, 18:51 Nga A.B
"Duhet t'i gjejmë patjetër"/ Kim Jong-un
Kim Jong Un

KOREJA E VERIUT- Udhëheqësi i Koresë së Veriut Kim Jong Un ka mbyllur të gjithë qytetin pasi 653 plumba u zhdukën gjatë një parade ushtarake. Zhdukja e municioneve u zbulua më 7 mars, kur ushtarët e Korpusit të 7-të të Ushtrisë Popullore Koreane po tërhiqeshin nga zona përreth qytetit të Hyesan, i cili ndodhet në kufirin me Kinën.

Ata u vendosën atje në vitin 2020 për të zbatuar mbylljen e kufijve në fillim të pandemisë Covid-19. Zyrtarët personalë të Kim-it kontrolluan shtëpi më shtëpi për municion në qytetin Hyesan, i cili ka një popullsi prej rreth 200,000 banorësh.

Qyteti do të qëndrojë i mbyllur derisa të gjenden 653 plumbat. Ushtria u tërhoq plotësisht midis 25 shkurtit dhe 10 marsit, por një hetim i gjerë është duke u zhvilluar për humbjen e municioneve gjatë procesit të evakuimit, tha një banor i provincës veriore Ryanggang.

Ushtarët nuk e denoncuan fillimisht zhdukjen, por tentuan t'i gjenin vetë plumbat e zhdukur, pohon burimi, duke shtuar se pasi nuk mundën t'i gjenin, kanë njoftuar banorët dhe kanë nisur një kërkim rigoroz. Policia dhe ushtria po marrin pjesë në kontroll, dhe sipas burimeve, çdo shtëpi do kontrollohet.

Ata që kanë parë apo kapur ndonjë numër plumbash janë të detyruar ta raportojnë sa më shpejt.

"Javën e kaluar, u dhanë urdhra fabrikave, fermave, grupeve të komunitetit dhe njësive të vëzhgimit të lagjeve në provincë për të bashkëpunuar në mënyrë aktive në hetimin në lidhje me municionet," tha zyrtari.

Banorët kanë frikë se nëse nuk gjenden, autoritetet do të ndëshkojnë në mënyrë të rastësishme dikë që mund të jetë i pafajshëm.

Burimi: Kurir.rs

kim jong un kore e veriut

Sondazh

Poll

MË SHUMË