Sport

ECA i jep “Ok” FIFA-s, për projektin e ri të Kupës së Botës midis Klubeve...

Gianni Infantino dhe Nasser Al-Khelaifi kanë nënshkruar rinovimin e memorandumit që forcon marrëdhëniet mes FIFA-s dhe ECA-s.

27 Mars 2023, 18:51 Nga DOSJA
ECA i jep “Ok” FIFA-s, për projektin e ri të Kupës

HUNGARI - Presidenti i FIFA-s, Gianni Infantino dhe homologu i tij i Shoqatës së Klubeve Evropiane (ECA), Nasser Al-Khelaifi, kanë nënshkruar rinovimin e memorandumit të mirëkuptimit midis dy entiteteve në Asamblenë e Përgjithshme të 29-të të ECA-s në Budapest (Hungari). 

Marrëveshja e firmosur skadon më 31 dhjetor 2030 dhe forcon marrëdhëniet midis FIFA-s dhe ECA-s , si dhe siguron stabilitet për futbollin e klubeve dhe kombëtareve.

Memorandumi i marrëveshjes përfshin një angazhim të rinovuar nga klubet për t'iu përmbajtur kalendarit ndërkombëtar, i cili u miratua unanimisht gjatë mbledhjes së fundit të Këshillit të FIFA-s të mbajtur më 14 mars deri në vitin 2030.

Po kështu, ECA konfirmoi mbështetjen e saj për formatin e ri të FIFA-s për Kupën e Botës për Klube, si dhe për krijimin e Kupës së Botës për Klube për femra.

Nga ana tjetër, financimi i Programit të Ndihmës për klubet, i cili kompenson ato skuadra që huazojnë lojtarët e tyre në ekipet pjesëmarrëse në Kupën e Botës FIFA, nga 209 milionë dollarë të rezervuara për Kupat e Botës 2018 dhe 2022, do të rritet në 355 milionë USD për edicionet 2026 dhe 2030.

B.T (Dosja.al)

Sondazh

Poll

MË SHUMË