Bota

Kremlini: Rusia nuk do të ndryshojë planet për vendosjen e armëve bërthamore në Bjellorusi

Duke folur gjatë një interviste televizive të shtunën, Putin tha se Moska do të vendosë armët taktike bërthamore pa shkelur marrëveshjet tona ndërkombëtare për mospërhapjen bërthamore. Ai tha se kjo nuk ishte asgjë e pazakontë.

27 Mars 2023, 15:46 Nga a.l
Kremlini: Rusia nuk do të ndryshojë planet për vendosjen e
Vladimir Putin

RUSI- Kremlini deklaron se kritikat perëndimore nuk do të ndryshojnë planet e shpallura nga presidenti Vladimir Putin për të vendosur armë taktike bërthamore në Bjellorusinë fqinje. 

"Një reagim i tillë sigurisht që nuk mund të ndikojë në planet ruse," tha zëdhënësi i Kremlinit Dmitry Peskov.

Duke folur gjatë një interviste televizive të shtunën, Putin tha se Moska do të vendosë armët taktike bërthamore pa shkelur marrëveshjet tona ndërkombëtare për mospërhapjen bërthamore. Ai tha se kjo nuk ishte asgjë e pazakontë, shkruajnë mediat e huaja. 

"Shtetet e Bashkuara e kanë bërë këtë për dekada. Ata kanë vendosur prej kohësh armët e tyre taktike bërthamore në territorin e aleatëve të tyre," tha Putin.

Udhëheqësi rus tha se ai foli me aleatin e tij bjellorus, Alexander Lukashenko dhe se ata kishin rënë dakord të bënin të njëjtën gjë. Perëndimi dënoi njoftimin e fundjavës së Putinit për vendosjen e armëve në Bjellorusinë në kufi me BE-në dhe NATO-n, duke shkaktuar thirrje për sanksione të reja ndaj Moskës. Ukraina tha se po kërkonte një takim urgjent të Këshillit të Sigurimit të OKB-së lidhur me këtë veprim.

vladimir putin

Sondazh

Poll