Sport

Një tjetë futbollist përdhunues, por këtë herë në kampionatin anglez!

Futbollisti u mor në pyetje muajin e kaluar në lidhje me një incident të dyshuar që ndodhi në Londër në shkurt 2022, raportoi BBC.

25 Mars 2023, 11:51 Nga DOSJA
Një tjetë futbollist përdhunues, por këtë herë

ANGLI - Policia britanike ka marrë në pyetje një futbollist të Premier League që përballet me dy akuza për përdhunim dhe me një tjetër vepër të dyshuar seksuale që përfshin një grua të tretë.

Futbollisti u mor në pyetje muajin e kaluar në lidhje me një incident të dyshuar që ndodhi në Londër në shkurt 2022, raportoi BBC.

Policia tha se vepra e supozuar iu raportua atyre korrikun e kaluar. Nuk bëhet e ditur se për cilin futbollist bëhet fjalë.

Futbollisti 29-vjeçar u la i lirë me kusht, ndërsa policia hetoi dy akuza të mëparshme për përdhunim kundër tij.

Ai u arrestua për herë të parë korrikun e kaluar nën dyshimin për përdhunim. Bëhej fjalë për një incident të dyshuar që pretendohej se kishte ndodhur një muaj më parë.

Ndërsa ishte në paraburgim, futbollisti u arrestua sërish me dyshimin se përdhunoi një grua tjetër në prill dhe qershor 2021.

Vepra e supozuar nga qershori 2021 u hodh poshtë më vonë pasi ligjet përkatëse nuk kishin hyrë në fuqi në atë kohë, raportoi Sky.

Futbollisti është me kusht deri në korrik 2023. Ai i mohoi akuzat dhe klubi i tij nuk e peuzulloi.

B.T (Dosja.al)

Sondazh

Poll