Bota

Lëshoi urdhër arrest ndaj Putin, Gjykata Ndërkombëtare Penale e shqetësuar nga kërcënimet e liderit rus

Të hënën, Medvedev tha se mund të dërgojnë një raketë hipersonike nga Deti i Veriut nga një anije ruse në gjykatën e Hagës.

23 Mars 2023, 16:57 Nga a.l

Vladimir Putin

RUSI- Gjykata Ndërkombëtare Penale (ICC) ka shprehur shqetësimin për "kërcënimet" nga Moska pas lëshimit të një urdhër-arresti për krime lufte për presidentin rus Vladimir Putin. Deklarata e ICC-së të mërkurën erdhi pas një kërcënimi për lëshimin e raketave hipersonike në gjykatën e krimeve të luftës në Hagë nga ish-presidenti rus Dmitry Medvedev. Asambleja ripohoi mbështetjen e saj të palëkundur për ICC, shkruajnë mediat e huaja.

"Gjykata Ndërkombëtare Penale mishëron angazhimin tonë kolektiv për të luftuar mosndëshkimin për krimet më të rënda ndërkombëtare. Si një institucion i mundësisë së fundit, Gjykata është plotësuese e juridiksioneve kombëtare. Ne u bëjmë thirrje të gjitha shteteve të respektojnë pavarësinë e tyre gjyqësore dhe prokuroriale," tha ajo.

Të hënën, Medvedev tha se mund të dërgojnë një raketë hipersonike nga Deti i Veriut nga një anije ruse në gjykatën e Hagës.

“Shikoni me kujdes qiellin”, shtoi ai.

Urdhri për arrestimin e Putinit nga ICC, i lëshuar të premten, akuzon presidentin rus për dëbimin e gabuar të mijëra fëmijëve ukrainas, pasi është një krim lufte.

gjyqi per krimet e rusise