Bota

'Marrëveshja' Kosovë-Serbi në Ohër/ Hill: Ligjërisht e detyrueshme por pa nënshkrim, zbatimi më i rëndësishëm

Hill theksoi se është bërë e qartë se formimi i Asociacionit të komunave me shumcië serbe është urgjent dhe i rëndësishëm, duke thënë se ky është një detyrim që është pranuar para 10 vitesh nga Kosova, Serbia dhe BE-ja. 

21 Mars 2023, 17:59 Nga a.l
'Marrëveshja' Kosovë-Serbi në Ohër/ Hill:
Christopher Hill

KOSOVË- Ambasadori amerikan në Serbi, Christopher Hill ka deklaruar se marrëveshja e arritur mes Kosovës dhe Serbisë në Ohër është ligjërisht e detyrueshme dhe pa nënshkrim. Në një intervistë për median serbe Danas, ai treguar se një nga elementët kyçe të marrëveshjes është se detyrimet e të dyja palëve janë pjesë e procesit të integrimit europian. Hill theksoi se është bërë e qartë se formimi i Asociacionit të komunave me shumcië serbe është urgjent dhe i rëndësishëm, duke thënë se ky është një detyrim që është pranuar para 10 vitesh nga Kosova, Serbia dhe BE-ja. 

“Nga këndvështrimi i publikut serb, është shumë e rëndësishme që organizatat ndërkombëtare, si BE-ja, të kenë një marrëveshje të cilës duhet t’i përmbahen dhe të sigurojnë zbatimin e saj. Asociacioni është i rëndësishëm për t’i ofruar komunitetit serb në Kosovë me shumë siguri dhe të ardhme", tha Hill.

Hill më pas tregoi se gjatë karrierës së tij diplomatike ka qenë i përfshirë në negociata që kanë çuar në marrëveshje pa nënshkrim, sikurse kjo e fundit mes Kosovës dhe Serbisë.

“Unë kam qenë i përfshirë në shumë negociata ku nuk ka pasur asnjë nënshkrim në fund të procesit. E di që ka shumë diskutime për këtë, por nuk mendoj se ka shumë rëndësi. Pyetja e vërtetë është të vazhdohet me zbatimin dhe kjo do të jetë interesante të shihet në javët dhe muajt e ardhshëm”, tha Hill.

I pyetur për deklaratën e presidentit serb Aleksandër Vuçiç se do të zbatojë aneksin e propozimit europian deri në vija të kuqe, Hill u përgjigj se Vuçiç ka thënë qartë se çfarë mund të pranojë dhe çfarë jo.

christopher hill

Sondazh

Poll

MË SHUMË