Sport

Gary Lineker rikthehet në BBC, transmetoi ndeshjen e FA Cup në Manchester…

Të hënën, BBC njoftoi rikthimin e prezantuesit të saj, ish-futbollistit Gary Lineker, i cili prej shumë vitesh është në krye të emisionit shumë të njohur "Match of the Day". Dje ai transmetoi...

19 Mars 2023, 07:41 Nga DOSJA

Gary Lineker rikthehet në BBC, transmetoi ndeshjen e FA Cup në

ANGLI - "Ah, gëzimet që të jep vetëm futbolli". Fjalët e Gary Lineker janë delikate, por ndriçuese. Ish-futbollisti Gary Lineker u kthye në BBC të shtunën për të komentuar ndeshjen e FA Cup midis Manchester City dhe Burnley (D2), tetë ditë pas pezullimit të tij për postimet në Twitter kritike ndaj qeverisë britanike.

Lineker ishte shkarkuar, pasi shprehu kundërshtimin e tij ndaj politikës së qeverisë për emigracionin, dhe drejtuesit me pretendimin e neutralitetit të gazetarëve të saj, e shkarkoi ish-futbollistin nga puna. Por sanksioni shkaktuar reaksion dhe një lëvizje të madhe proteste nga gazetarët, komentuesit dhe konsulentët në kanalin publik britanik, të cilët refuzuan të dilnin në transmetim fundjavën e kaluar.

Të hënën, BBC njoftoi rikthimin në detyrë të prezantuesit të saj yll, i cili është veçanërisht në krye të programit shumë të njohur "Match of the Day", megjithëse nuk do të jetë në Londër këtë javë, për shkak të zhvendosjes së tij në Mançester.

BBC është zotuar të rishikojë udhëzimet e saj për përdorimin e mediave sociale nga punonjësit e saj. Lineker rifilloi komentimin me një ndeshje të çerekfinales së FA Cup midis Manchester City dhe liderëve të Championship, Burnley. Prezantuesi më i paguar i BBC-së, Lineker e hapi komentin me një 'shumë të mirë për të qenë këtu', të cilit iu bashkua ish-ylli i tij Alan Shearer, i cili ishte ndër folësit që refuzuan të punonin në mbështetje të Lineker.

Gary Lineker rikthehet në BBC, transmetoi ndeshjen e FA Cup në

"Unë thjesht dua të sqaroj gjërat dhe të them se sa të zhgënjyer ishim, që shikuesit humbën shfaqjet e tyre fundjavën e kaluar”,- shpjegoi ai. “Ishte një situatë e vështirë për të gjithë të përfshirët dhe, pa fajin tonë, disa njerëz shumë të mirë në TV dhe radio u vunë në një situatë të pamundur dhe të padrejtë,”- shtoi ai. “Është mirë të kthehemi në një formë normaliteti dhe të flasim sërish për futbollin”, përfundoi ai.

B.T (Dosja.al)

Sondazh

Poll

MË SHUMË