Sport

Formula 1/ Sergio Perez ‘pole’ në Jeddah, Alonso i dyti, Verstappen shumë prapa…

Kualifikimi për Çmimin e Madh të Arabisë Saudite mori një fund të papritur me skualifikimin në Q2 të Max Verstappen, i cili do të startojë në vendin e 15-të të dielën, shumë prapa shokut të tij të skuadrës në Red Bull, Victor Perez. Shikoni dhe radhën e nisjes...

19 Mars 2023, 07:36 Nga DOSJA

Formula 1/ Sergio Perez ‘pole’ në Jeddah, Alonso i dyti,

ARABIA SAUDITE - A do të ketë Max Verstappen një rikthim të ri të dielën (18:00) në Jeddah?  Mundësia i jepet në çdo rast, pasi holandezi i Red Bull-it do të startojë në vendin e 15-të kur të fiken dritat në Grand Prix të Arabisë Saudite, gara e dytë e kampionatit botëror të Formula 1, faji i një problemi të hasur gjatë kualifikimeve.

Pas dominimit në tre seancat e praktikave të lira dhe në pjesën e parë të kualifikimeve (Q1), kampioni i dyfishtë i botës, u eliminua në fakt në Q2 për habinë e të gjithëve: ai humbi papritur fuqinë dhe deklaroi në anglisht në radio "problem me motorin".

Meksikani Sergio Perez, shoku i tij te Red Bull, do të startojë nga ‘pole position’, si vitin e kaluar. Ai mori një trofe të bukur nga duart e ish-futbollistit Patris Evra. Ai do të startojë përballë veteranit spanjol Fernando Alonso (41), i cili konfirmon kushtet shumë të mira të Aston Martinit të tij, dy javë pasi ishte në podiumin e Çmimit të Madh të parë të sezonit në Bahrein.

Rrallëherë, katër skuadra të ndryshme do të përfaqësohen në dy rreshtat e pare, pasi George Russell (Mercedes) dhe Carlos Sainz (Ferrari) do të startojnë përkatësisht në vendin e tretë dhe të katërt. Ferrari tjetër, ai i Charles Leclerc, u penalizua me dhjetë vende (instalimi i një njësie të tretë të kontrollit elektronik që është përtej kuotës për t'u respektuar gjatë një sezoni të tërë), pavarësisht se kishte shënuar kohën e dytë më të shpejtë pas Perez. Ja dhe renditja se si do të nisen për garën e sotme pilotët:

Formula 1/ Sergio Perez ‘pole’ në Jeddah, Alonso i dyti,

B.T (Dosja.al)

Sondazh

Poll

MË SHUMË