Bota

Putin akuzohet për krime lufte nga Gjykata në Hagë/ Zakharova: Ky vendim nuk ka asnjë kuptim për vendin tonë

Ajo është shprehur se ky vendim është i papërfillshëm nga Rusia dhe nuk ka asnjë kuptim edhe nga pikëpamja juridike. 

17 Mars 2023, 16:53 Nga a.l
Putin akuzohet për krime lufte nga Gjykata në Hagë/ Zakharova: Ky
Maria Zakharova

RUSI- Zëdhënësja e Ministrisë së Jashtme të Rusisë, Maria Zakharova, i është përgjigjur urdhrit të arrestit të gjykatës penale ndërkombëtare kundër presidentit Vladimir Putin. Ajo është shprehur se ky vendim është i papërfillshëm nga Rusia dhe nuk ka asnjë kuptim edhe nga pikëpamja juridike. 

"Vendimet e Gjykatës Ndërkombëtare Penale nuk kanë asnjë kuptim për vendin tonë, edhe nga pikëpamja juridike. Rusia nuk është palë e Statutit të Romës të Gjykatës Ndërkombëtare Penale dhe nuk ka asnjë detyrim sipas tij", tha ajo. 

Gjykata Ndërkombëtare Penale ka lëshuar një urdhër-arresti për presidentin rus Vladimir Putin dhe Maria Lvova-Belova, pasi akuzohen për krime luftë në Ukrainë.Maria Lvova-Belova është një anëtare e qeverisë së Putinit, e cila akuzohet se është në qendër të skemës së supozuar për të dëbuar me forcë mijëra fëmijë ukrainas në Rusi. Pas vendimit të Gjykatës, Kremlini ka reaguar dhe ka vendosur që të mos e njohë juridiksionin e Gjykatës Ndërkombëtare Penale.

 

gjyqi per krimet e rusise maria zakharova

Sondazh

Poll

MË SHUMË