Bota

Incidenti i dronit mbi Detin e Zi/ Shtëpia e Bardhë: Nuk kërkojmë konflikt të armatosur me Rusinë

Moska gjithashtu mohoi akuzat se avioni i saj dëmtoi helikën e dronit. Kremlini tha se do të përpiqet të gjejë mbetjet e tij dhe se do të reagojë në mënyrë proporcionale ndaj çdo provokimi të ardhshëm të Shteteve të Bashkuara.

17 Mars 2023, 16:27 Nga a.l
Incidenti i dronit mbi Detin e Zi/ Shtëpia e Bardhë: Nuk
Joe Biden dhe Vladimir Putin

SHBA- Sekretarja e shtypit e Shtëpisë së Bardhë, Karine Jean-Pierre njoftoi se Uashingtoni nuk po kërkon të përshkallëzojë tensionet me Moskën për dronin e rrëzuar.

"Ne (Shtetet e Bashkuara) nuk kërkojmë konflikt të armatosur me Rusinë. Veprimet e pilotëve rusë në hapësirën ajrore ndërkombëtare ishin të pamatura dhe të rrezikshme. Ne kemi ngritur shqetësimet tona drejtpërdrejt me udhëheqjen ruse dhe do të vazhdojmë të ushtrojmë të drejtat tona në hapësirën ajrore ndërkombëtare," theksoi sekretari i shtypit gjatë seancës së rregullt të konferencës për shtyp duke vënë në dukje se Uashingtoni po i mban të hapura linjat e komunikimit me Moskën.

Shtetet e Bashkuara thanë se një dron po fluturonte në hapësirën ajrore ndërkombëtare mbi Detin e Zi, pranë brigjeve të Ukrainës, një pretendim që Moska e kundërshton, shkruajnë mediat e huaja. 

“Ata injoruan tërësisht faktin se pas fillimit të operacionit special ushtarak, ushtria jonë ka shpallur zona të caktuara të Detit të Zi pranë bregut, si zona me qasje të kufizuar për çdo mjet ajror”, tha Sergey Lavrov, Ministër i Jashtëm i Rusisë.

Moska gjithashtu mohoi akuzat se avioni i saj dëmtoi helikën e dronit. Kremlini tha se do të përpiqet të gjejë mbetjet e tij dhe se do të reagojë në mënyrë proporcionale ndaj çdo provokimi të ardhshëm të Shteteve të Bashkuara.

joe biden vladimir putin

Sondazh

Poll

MË SHUMË