Bota

Lufta në Ukrainë, Rusia planifikon të rekrutojë 400,000 ushtarë

Autoritetet lokale pretendojnë se banorët thirren vetëm në zyrat e regjistrimit për të përditësuar të dhënat e tyre të regjistrimit ushtarak. 

15 Mars 2023, 16:00 Nga a.l
Lufta në Ukrainë, Rusia planifikon të rekrutojë 400,000
Ushtarët rusë

UKRAINË- Ministria e Mbrojtjes e Rusisë do të nisë një fushatë të re rekrutimi më 1 prill, duke synuar të lidhë kontrata me 400,000 ushtarë profesionistë. Mediat e huaja raportojnë se, ministria ka dërguar urdhra në rajonet e Rusisë duke treguar numrin e njerëzve me të cilët duhet të nënshkruhen kontratat ushtarake.

Sipas botimit, banorët e rajonit të Voronezh të Rusisë filluan të marrin thirrje në zyrat e regjistrimit ushtarak, siç ishte në shtator të vitit të kaluar pas të ashtuquajturit mobilizim të pjesshëm të shpallur nga diktatori rus Vladimir Putin. Kjo mund të tregojë se mund të fillojë një valë e dytë rekrutimi për luftën kundër Ukrainës. 

Autoritetet lokale pretendojnë se banorët thirren vetëm në zyrat e regjistrimit për të përditësuar të dhënat e tyre të regjistrimit ushtarak. Në fund të tetorit 2022, Putin dhe ministri rus i Mbrojtjes Shoigu pretenduan se mobilizimi për luftën kundër Ukrainës kishte përfunduar, por dekreti për "mobilizim të pjesshëm" mbeti në fuqi.

Sipas raporteve nga Shtabi i Përgjithshëm i Ukrainës dhe Instituti për Studimin e Luftës, Kremlini kishte vazhduar mobilizimin fshehurazi. Shefi i inteligjencës së Estonisë, Margo Grosberg, tha se mobilizimi në Rusi nuk kishte ndalur kurrë.

lufta ne ukraine

Sondazh

Poll

MË SHUMË