Bota

'Serbia po e pëson për mos vendosjen e sanksioneve ndaj Rusisë'/ Zakharova i përgjigjet ministrit serb: Amerika po i bën presion Beogradit

Kjo deklaratë ka shkaktuar reagime nga pala Ruse, reagimi i parë ka ardhur nga Ministria e Jashtme e Rusisë e cila është shprehur se Serbia ndodhet nën presionin e Perëndimit për t'iu bashkuar sanksioneve ndaj Rusisë. 

14 Mars 2023, 20:41 Nga a.l
'Serbia po e pëson për mos vendosjen e sanksioneve ndaj
Foto ilustruese

SERBI- Ministri i Ekonomisë i Serbisë, Rada Basta nga radhët e një aleance bashkëqeverisëse të Partisë Socialiste dhe Serbisë së Bashkuar një ditë më parë deklaroi se Beogradi po paguante një çmim të lartë për refuzimin e tij për t'iu bashkuar një embargoje ndërkombëtare kundër Rusisë.

“Vendi ynë tashmë po paguan një çmim të lartë për mosvendosjen e sanksioneve ndaj Rusisë dhe kjo po bëhet e padurueshme”, shkroi Basta në llogarinë e tij në Instagram.

Kjo deklaratë ka shkaktuar reagime nga pala Ruse, reagimi i parë ka ardhur nga Ministria e Jashtme e Rusisë e cila është shprehur se Serbia ndodhet nën presionin e Perëndimit për t'iu bashkuar sanksioneve ndaj Rusisë. 

Një reagim tjetër ka ardhur edhe nga Zëdhënësi i Kremlinit i cili tha se për momentin po ushtrohet presion i paprecedentë në shumë vende të botës, veçanërisht ndaj Serbisë, por Moska pret që çështjet më problematike të zgjidhen në kuadër të një dialogu konfidencial dhe partneriteti me miqtë serbë.

Sakaq një reagim tjetër ka ardhur edhe nga zëdhënësja e Ministrisë së Jashtme ruse e cila përmes një postimi në rrjete sociale ka kritikuar ashpër ministrin serb, madje ka akuzuar SHBA-të se po i bën presion Serbisë. Në një postim në rrjete sociale, zëdhënësja Zahkarova thekson marrëdhëniet e ngushta mes Serbisë dhe Rusisë, ku sipas saj qartazi SHBA është duke ndërhyrë në sovranitetin e Beogradit dhe po i bën presion. 

“Një pozicion i çuditshëm: Amerika ushtron presion ndaj Serbisë dhe ministri serb bën thirrje për një veprim kundër Rusisë”, shkroi Maria Zakharova, një zëdhënëse e Ministrisë së Jashtme ruse, në aplikacionin e mesazheve Telegram vonë të hënën.

Serbia është shteti i vetëm në rajonin e Ballkanit Perëndimor që nuk ka vendosur sanksione ndaj Moskës, por ka përkrahur disa rezoluta të Kombeve të Bashkuara që kanë dënuar pushtimin e paprovokuar rus të Ukrainës.

radeta basta maria zakhraova

Sondazh

Poll

MË SHUMË