Bota

Këshilli i Lartë Zgjedhor: Nga 27 prilli, turqit jashtë vendit nisin votimin për zgjedhjet e 14 majit

Turqia po zhvillon më 14 maj zgjedhjet presidenciale dhe parlamentare më vendimtare të viteve të fundit.

14 Mars 2023, 15:25 Nga a.l
Këshilli i Lartë Zgjedhor: Nga 27 prilli, turqit jashtë vendit
Kemal Kilicdaroglu dhe Rexhep Taip Erdogan

TURQI- Këshilli i Lartë Zgjedhor njoftoi se nga 27 prilli, turqit që jetojnë jashtë mund të votojnë në zgjedhjet e ardhshme presidenciale dhe parlamentare të vendit më 14 maj. Njoftohet gjithashtu se ushtrimi i të drejtës së votës për turqit jashtë vendit do të fillojë në pikat kufitare dhe qendrat e votimit jashtë vendit më 27 prill dhe do të përfundojë më 9 maj.

Turqia po zhvillon më 14 maj zgjedhjet presidenciale dhe parlamentare më vendimtare të viteve të fundit. Sipas Kushtetutës, nëse asnjë kandidat presidencial nuk merr 50% të votave, një raund i dytë do të mbahet më 28 maj. Në këtë rast, qytetarët turq jashtë vendit mund të votojnë midis 20 dhe 24 majit, shkruajnë mediat e huaja. 

Zgjedhjet parlamentare dhe presidenciale konsiderohen si një nga sfidat më të mëdha për presidentin turk Rexhep Tajip Erdogan. 69-vjeçari ka qenë në pushtet për 20 vitet e fundit. Javën e kaluar, një aleancë gjashtëpalëshe emëroi kreun e opozitës Kemal Kilicdaroglu, 74 vjeç, si kandidatin e përbashkët për t'i dhënë fund hegjemonisë së Erdoganit. Partitë më të vogla gjithashtu duan të propozojnë kandidatët e tyre.

Sondazhet e reja këtë javë treguan se Kilicdaroglu kryeson Erdoganin me më shumë se 10 pikë përqindje në zgjedhjet presidenciale. Nuk është ende e qartë nëse Partia Demokratike e Popullit (HDP) pro-kurde, e cila pritet të luajë rolin e moderatorit në zgjedhje, do të emërojë kandidatin e saj apo do të mbështesë Kilicdaroglu.

rexhep taip erdogan

Sondazh

Poll

MË SHUMË