Sport

Rusia do të marrë pjesë në kampionatin e Federatës së Futbollit të Azisë Qendrore

Lajmi është bërë i ditur nga Federata e Futbollit të Taxhikistanit

14 Mars 2023, 12:20 Nga DOSJA
Rusia do të marrë pjesë në kampionatin e Federatës
Presidenti i Federatës Ruse të Futbollit, Alexander Dyukov

TAXHIKISTAN - Rusia do të marrë pjesë në kampionatin e Federatës së Futbollit të Azisë Qendrore në qershor, së bashku me shtatë ekipe të tjera kombëtare, njoftoi Federata e Futbollit të Taxhikistanit.

Ekipet ruse janë ndaluar të marrin pjesë në garat ndërkombëtare të FIFA-s dhe UEFA-s që nga pushtimi i Ukrainës në shkurt të vitit të kaluar.

Skuadra ruse do të marrë pjesë në turneun e ri rajonal, së bashku me ish-republikat sovjetike të Taxhikistanit, Uzbekistanit, Turkmenistanit dhe Kirgistanit, Afganistanit, Iranit. Eshtë edhe një vend tjetër, ende për t'u konfirmuar, që të kompletojë pjesëmarrjen për ndeshjet e planifikuara në Bishkek, Kirgistan dhe Tashkent, Uzbekistan.

Shoqata e Futbollit të Azisë Qendrore u formua në vitin 2014, si një nga pesë rajonet e konfederatës aziatike të futbollit dhe selinë e saj e ka në Taxhikistan. Sipas Federatës së Futbollit të Taxhikistanit, Rusia tashmë ka pranuar një ftesë për ngjarjen në qershor.

Nisma mund të ringjallë debatin mbi një hyrje të mundshme të Rusisë në Konfederatën e Futbollit Aziatik (CAF), pasi kërkon të kthehet në garat ndërkombëtare të futbollit.

Në janar, presidenti i Federatës Ruse të Futbollit, Alexander Dyukov, tërhoqi kërcënimin e tij, të bërë në dhjetor 2022, për t'u bashkuar me CAF, pas takimit me zyrtarë të futbollit europian. Megjithatë, ende nuk është shpallur asnjë rezolutë. Dyukov mori pjesë muajin e kaluar në kongresin e CAF në Bahrein, duke zhvilluar bisedime me presidentin e organizatës.

Kombëtarja e Rusisë ka luajtur vetëm tre miqësore ndërkombëtare në vitin 2022, kundër Kirgistanit, Taxhikistanit dhe Uzbekistanit. Skuadra ka ndeshje të planifikuara me Iranin dhe Irakun në fund të muajit.

B.T (Dosja.al)

Sondazh

Poll

MË SHUMË