Ukrainasja Lesia Tsurenko, lojtarja e 95-të në botë, refuzoi të përballet me bjellorusen Aryna Sabalenka në raundin e tretë të Indian Wells. Ajo shpjegoi se pësoi një sulm paniku, pas komenteve të bëra nga Steve Simon, shefi i WTA-së për luftën në Ukrainë.
SHBA - Ukrainasja Lesia Tsurenko, pjesëmarrëse në Indian Wells, përpara se të përballej me bjellorusen Aryna Sabalenka, tha të hënën se ajo pësoi një "sulm paniku" pas një bisede me shefin e WTA për pasojat e luftës në vendin e saj.
“Arsyeja e tërheqjes sime është një sulm paniku”,- tha ukrainasja për faqen ukrainase “Big Tennis”, “zyrtarisht, kjo është për arsye personale, por në realitet kisha probleme me frymëmarrjen. Mund të flasim për histeri”.
“Disa ditë më parë, pata një bisedë me CEO të WTA-së, Steve Simon, thotë Tsurenko, dhe isha absolutisht i tronditur nga ajo që dëgjova. Ai më tha, se ai vetë ishte kundër luftës, por nëse lojtarët rusë apo bjellorusë e mbështesin, ishte mendimi i tyre dhe se mendimi i të tjerëve, nuk duhet të më shqetësojë”.
Lojtarja shton se ajo dhe disa nga bashkatdhetarët e saj të turneut të femrave kanë kërkuar një takim me Bordin e Turneut të femrave, "për të pyetur se si dikush si Steve Simon mund të jetë një drejtues i lartë i WTA".
WTA u përgjigj të hënën në një deklaratë: “Mbi të gjitha, ne njohim emocionin e Lesias dhe të gjithë tenistëve tanë ukrainas. Jemi dëshmitarë të një lufte të tmerrshme, me pasoja të thella, e cila prek të gjithë botën, po aq sa qarku i WTA dhe anëtarët e tij”.
“WTA ka shprehur vazhdimisht mbështetjen e saj të plotë për Ukrainën dhe dënon fuqishëm veprimet e qeverisë ruse”,- vazhdon deklarata. “Thënë kjo, një parim themelor i WTA mbetet: atletët duhet të jenë në gjendje të marrin pjesë në turne profesionistë në bazë të meritave të tyre dhe pa asnjë formë diskriminimi, pa u penalizuar nga vendimet e marra nga drejtuesit e vendeve të tyre”,- specifikon ajo.
Më shumë se një vit pas sulmit rus dhe mbështetjen e Bjellorusisë, tenisi ende po lufton për të menaxhuar situatën në turnetë e tij. Atletët rusë dhe bjellorusë garojnë nën një flamur neutral. Në fillim të marsit, gazetat britanike pretenduan se turneu Wimbledon, i cili ndaloi rusët dhe bjellorusët vitin e kaluar, planifikon të ndryshojë vendimin e tij dhe t'i pranojë ata këtë verë.
B.T (Dosja.al)
SHBA - Gregg Berhalter, i pezulluar nga pozicioni i tij si trajner i Shteteve të Bashkuara me pretendimin për të hedhur dritë mbi një r...
ITALI - Një marrëveshje e re është arritur mes Serisë A dhe Arabisë Saudite, ku do të vazhdojë të luhet Superkupa e...
FRANCE - Michel Platini thyen heshtjen dhe i jep fund thashethemeve të javëve të fundit: "Nuk do të më kandidojë për pre...
ITALI - Pak ditë pas kualifikimit në çerekfinale të Champions League, AC Milan pa euforinë të binte në ‘San Siro...
ANGLI - Verën e ardhshme Kevin De Bruyne do të shuajë 32 qirinj dhe dalëngadalë statusi i tij po evoluon në “veter...
ANGLI - Kthimi në... normalitet për Gary Lineker dhe BBC teksa të dyja palët e goditën dhe asi veteran i Anglisë d...
FRANCE - Përgatitja për Lojërat Olimpike vijon me ritme të pandërprera dhe problemi i madh ka të bëjë me parad...
GJERMANI - Në një kohë kur kampionati spanjol tronditet nga një rast korrupsioni në arbitrazh, Felix Zwayer është caktuar p&e...
ANGLI - Në sezonin e tij të parë në Manchester United, mesfushori brazilian Casemiro mori kartonin e dytë të kuq në klubin ...
EGJIPT - Shtypi italian zbulon, se Mohamed Salahut i është grabitur shtëpia në Kajro. Alarmi është dhënë nga nj&eum...