TIRANË– Presidenti Ilir Meta ka reaguar pas lajmit të rremë për tërmetin, teksa shkruan se askush nuk duhet ta keqpërdorë këtë situatë.
Në një reagim në rrjetet sociale, Meta bën thirrje për qetësi dhe kërkon që e gjithë vëmendja të fokuroshet në vlerësimin e dëmeve të shkaktuara.
Presidenti falënderon vendet partnere dhe Bashkimin Europian për solidaritetin dhe kërkon që bashkëpunim njerëzor pas tronditjeve të ditëve të fundit.
“Të gjithë duhet të shtojnë kontributet pozitive dhe solidare në bazë të përgjegjësive institucionale, politike, shoqërore dhe qytetare,”- shkruan Meta ndër të tjera.
Deklarata e Presidentit të Republikës Sh.T.Z Ilir Meta
Presidenti i Republikës Sh.T.Z Ilir Meta vlerëson ruajtjen e qetësisë nga të gjithë dhe rëndësinë e frymës së bashkëpunimit dhe solidaritetit njerëzor, pa përjashtim, nga aktorët institucionalë, politikë, shoqërorë dhe mediatikë, për normalizimin e plotë të situatës, pas tronditjeve të ditëve të fundit.
Transparenca dhe përgjegjshmëria maksimale për evidentimin e pasojave është tepër e rëndësishme në këto momente.
Në veçanti, vlerësimi teknik i banesave, pallateve dhe godinave të dëmtuara është tepër i domosdoshëm për të ardhmen.
Ndaj duke vlerësuar dhe solidaritetin e vendeve partnere dhe Bashkimit Europian, Presidenti Meta i kërkon qeverisë të ftojë zyrtarisht edhe Agjencinë Ndërkombëtare të Energjisë Atomike, që ka kapacitetet e duhura për të përcaktuar sigurinë dhe rezistencën e banesave, pallateve dhe godinave të dëmtuara nga kjo fatkeqësi natyrore.
Keqpërdorimi nga kushdo i kësaj situate, nuk është rruga e duhur për të përballuar një shqetësim të përgjithshëm, në mënyrë të bashkuar dhe të përgjegjshme, vetëm në interes të qytetarëve të traumatizuar nga tronditjet dhe pasojat në banesat e pronat e tyre.
Të gjithë duhet të shtojnë kontributet pozitive dhe solidare në bazë të përgjegjësive institucionale, politike, shoqërore dhe qytetare.
Përmes një titulli bombastik, Syri.net botoi dje një lajm që qarkullonte në rrjetet sociale dhe Whatsapp, vendi do të goditej nga një tërmet në 23.30 me një fuqi 6 magnitudë, pra më i fortë se ai i te shtunës që ishte 5.8.
Lajmi u përhap në të gjithë mediat sociale duke nxjerrë njerëzit të alarmuar në rrugë. Tirana u mbush me qytetarë që dolën në Sheshin Skënderbej, në pedonale dhe kaluan natën nëpër makina. Kryeministri Edi Rama e quajti lajmin kriminal dhe kërkoi reagimin e fortë të strukturave shtetërore.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Pronari i portalit Syri.net dhe SyriTv, Çlirim Peka ka reaguar pas lajmit të rremë të botuar mbrëmjen e djeshme, se një tërmet apokaliptik d...
TIRANË- Zv.kryeministri Erion Braçe përmes një konference sot për shtyp ka paralajmëruar portalin e lajmeve “Syri.net”, se do të përballet me fuqin...
TIRANË- Zëvendës Kryeministri, Erion Braçe, në një komunikim për mediat ka bërë me dije të gjitha masat që ka marrë qeveria pas tërmetit që përfshiu...
TIRANË- Ministrja e Kulturës, Elva Margariti në një deklaratë për mediat ka bërë me dije të gjitha masat e marra pas tërmetit në institucioent kulturore në...
Tiranë- Pas tërmeteve të njëpasnjëshme që goditën vendin në dy ditën e fundit, ministrja e Infrastrukturës dhe të Energjisë, Belinda Balluku ka deklaruar se në ...
TIRANË- Ambasada Gjermane në Tiranë ka qenë një nga godinat e cila është prekur nga tërmeti që ngjalli panik tek njerëzit. Në një reagim në Facebook, ambas...
Tiranë- Kreu i Bashkisë së Tiranës Erion Veliaj ka reaguar sërish për çështjen e tërmeteve. Ai është shprehur se tashmë është koha që gjithsecili të komu...
BRUKSEL- Federica Mogherini, Përfaqësuesja e Lartë për Punë të Jashtme dhe Politikë të Sigurisë i shprehu solidaritet Kryeministrit, Edi Rama, për një seri tërm...
Tiranë- Për publikimin e lajmit të rremë se Tirana do të goditej mbrëmjen e djeshme nga një tërmet 6 ballësh ka reaguar edhe kreu i Grupit Parlamentar të PS-së,...
Tiranë- Kryeministri Edi Rama ka reaguar pas publikimit të lajmit se do të kishte një tërmet të madh në orën 23:30 të mbrëmjes së djeshme, i cili ngjalli shumë ...