Politike

I dehur në timon, pëson aksident! Vihet në pranga deputeti i ardhshëm i PD-së, Xhafa: Ndodhem në shtëpi

Xhafa, i cili udhëtonte në gjendje të dehur, u përplas me trafik ndarësen në rrugë.

13 Mars 2023, 21:15 Nga A.B
I dehur në timon, pëson aksident! Vihet në pranga deputeti i
Qani Xhafa

ELBASAN- Ish-kandidati i Partisë Demokratike për deputet në zgjedhjet e vitit 2021-it, Qani Xhafa është arrestuar në orët e para të mëngjesit të së shtunës. Shkak u bë përfshirja e tij në një aksident rrugor. Aksidenti ndodhi më 11 Mars në bulevardin “Qemal Stafa” në Elbasan. Xhafa, i cili udhëtonte në gjendje të dehur, u përplas me trafik ndarësen në rrugë, e më pas u vu në pranga.

Tashmë ai është liruar nga burgu. Në një postim të bërë në Facebook, Xhafa thotë se është në gjendje të mirë shëndetësore.

Qani Xhafa kandidoi për PD-në në zgjedhjet e përgjithshme të vitit 2021 në qytetin e Elbasanit. Ai ishte renditur në vendin e 8 në listën e kandidatëve për deputetë, pas Luçiano Boçit i cili arriti të sigurojë mandatin. Kandidatimi i Boçit për Elbasanin do të lërë një vend të lirë për deputet në radhët e demokratëve, i cili duhet plotësuar.

Kështu, pas lënies së mandatit nga Boçi, sipas të dhënave të KQZ-së, në vend të tij do të jetë Qani Xhafa.

qani xhafa

Sondazh

Poll

MË SHUMË