Bota

Zgjedhjet në Veri/ Lajçak nga Serbia: Duhet një zgjidhje politike që këto zgjedhje të mbahen

Në një intervsitë për median vendase 'Kossev', tha se vendimi i KQZ-së për shtyrjen e afatit për paraqitjen e listave është një vendim konstruktiv sepse mundëson që mbledhja e Ohrit më 18 mars të mos mbahen nën presionin e këtij afat. 

13 Mars 2023, 12:11 Nga a.l
Zgjedhjet në Veri/ Lajçak nga Serbia: Duhet një zgjidhje
Miroslav Lajçak

SERBI- I dërguari i Posaçëm i Bashkimit Evropian për çështjet e Ballkanit Perëndimor, Miroslav Lajçak ka thënë se së pari duhet një zgjidhje politike që këto zgjedhje në Veriun e Kosovës të mbahen më 23 prill. Në një intervsitë për median vendase 'Kossev', tha se vendimi i KQZ-së për shtyrjen e afatit për paraqitjen e listave është një vendim konstruktiv sepse mundëson që mbledhja e Ohrit më 18 mars të mos mbahen nën presionin e këtij afat. 

"Data e zgjedhjeve është prerogativë e Presidentit të Kosovës dhe unë respektoj rolin kushtetues të presidentit për këtë çështje. E rëndësishme është që zgjedhjet të zhvillohen në një atmosferë ku të gjithë qytetarët mund të ushtrojnë lirisht të drejtën e tyre demokratike për të zgjedhur. Zgjedhjet do të reflektojnë edhe preferencat e qytetarëve. Prandaj na duhet edhe një zgjidhje politike. Në këtë kontekst, vendimi i KQZ-së për shtyrjen e afatit për paraqitjen e listave është një vendim konstruktiv sepse na jep më shumë hapësirë dhe mundëson që mbledhja e Ohrit në datën 18 të mos mbahet nën presionin e këtij afati, por shpresojmë se do të ndihmojë“, ka thënë Lajçak për ”Kossev“.

Lista Serbe kishte vendosur që të largohet nga institucionet, përfshirë edhe prej komunave veriore. Kjo bëri që Kosova të shpallte zgjedhje të jashtëzakonshme në Veri, poqë u kundërshtuan nga Lista Serbe që ka mbështetjen e Beogradit zyrtar.

miroslav lajçak

Sondazh

Poll

MË SHUMË