Sport

Sarri krahason: “Nagelsmann, pa përvojë, stërvit një nga ekipet më të mëdhenjtë në Evropë. Unë vij nga fushat e baltës”…

Trajneri i Lazios bën krahasimin dhe shpjegon pse trajneri i ri i Bayern Munichut, "është i preferuari i Zotit"

12 Mars 2023, 12:19 Nga DOSJA
Sarri krahason: “Nagelsmann, pa përvojë, stërvit një

ITALI - Maurizio Sarri ka folur për situatën aktuale të Lazios në një intervistë për ‘Sky Italia’, duke kujtuar edhe karrierën e tij si trajner. Dhe italiani shpjegoi se, ndryshe nga të tjerët, atij i duhej të bënte një rrugë shumë të vështirë për të arritur këtu ku është sot.

Nagelsmann, trajneri i Bayern Munichut, 35 vjeç, është i preferari nga Zoti. Me pak, ose aspak përvojë, ai e gjen veten si trajner i një prej klubeve më të mëdha në Evropë. Unë vij nga fusha me baltë, ishte një udhëtim i gjatë, i vështirë, por të them të drejtën më pëlqeu”, ka shpjeguar trajneri i Lacios, i cili ka drejtuar ndër të tjera Napolin, Chelsean dhe Juventusin.

"Një trajner është shuma e përvojave të tij. Teknika është e ndryshme, por aspektet taktike të sportit mbeten të njëjta," shtoi Sarri.

Në një regjistër më të relaksuar, Sarri ka konfirmuar zërat se ka prerë flokët vetëm pas humbjes me AZ Alkmaar, në Europa League. "Gruaja ime po më ngacmonte për të prerë flokët. Por ne po fitonim ndeshje, kështu që i thashë se nuk mund ta bëja. Pas ndeshjes së së enjtes (të cilën Lazio e humbi 2-1) ajo tha 'në rregull, ja ku erdhi edhe humbja'. Në shtëpi unë jam një xhevahir, nuk shqetësoj kurrë askënd, në shumicën e rasteve nuk jam as aty..."

Trajneri foli edhe për derbin kundër Romës, javën e ardhshme, dhe shprehu keqardhjen që José Mourinho nuk mund të ishte në stolin e verdhekuqve: "Është një zhgënjim sepse jam gjithmonë i lumtur kur e shoh atë, ai është pjesë e shfaqjes. Është turp që ai nuk është atje."

Kujtojmë se trajneri portugez do të kryejë dy ndeshje pezullimi, pasi u ndëshkua me karton të kuq gjatë takimit me Cremoneses.

B.T (Dosja.al)

Sondazh

Poll

MË SHUMË