Sport

Marcelo: Hyjnizohet në Rio de Zhaneiro nga tifozët e Fluminense

Ish-futbollisti i Olympiacos mbërriti në vendlindjen e tij, Brazil, për t'u prezantuar nga skuadra e tij e re, Fluminense.

9 Mars 2023, 18:46 Nga DOSJA
Marcelo: Hyjnizohet në Rio de Zhaneiro nga tifozët e Fluminense

BRAZIL - Marcelo zbarkoi në Rio de Janeiro sot për t'u bashkuar me Fluminense dhe u përshëndet nga 500 tifozë të klubit brazilian në aeroportin Galeao. I mbështjellë me një flamur të Fluminense, Marcelo mbërriti me familjen e tij, pasi kishte përfunduar procedurat për lëvizjen e tij në Rio de Zhaneiro. “Çështjet burokratike dhe logjistike e penguan që mbrojtësi i majtë të mbërrinte më shpejt”, raporton gazeta braziliane “Globo”.

Fluminense ka planifikuar prezantimin e tij zyrtar për të premten në mbrëmje (10:30 me orën tone lokale), në Maracanã. Fansat do të mund të shijojnë edhe një koncert të reperit të njohur Filipe Rath, ndërsa pas prezantimit Marcelo, i cili do të mbajë fanellën me numrin 12, do të mbajë një konferencë për shtyp në tribunën e stadiumit.

Marcelo nënshkroi kontratë me Fluminense deri në dhjetor 2024 , me opsion rinovimi deri në fund të 2025. Ai u lirua nga Olympiacos më 24 shkurt dhe u kthye në vendin e tij 16 vjet pasi nisi rrugëtimin e tij në Evropë, me pesë tituj të Champions League të cilën e fitoi me Real Madridin.

 
 
 
 
 
View this post on Instagram
 
 
 
 
 
 
 
 
 
 
 

A post shared by Marcelo Vieira (@marcelotwelve)

Mbrojtësi i majtë 34-vjeçar e filloi karrierën e tij duke luajtur nga viti 2005 (17 vjeç) deri në 2007 në ekipin e parë, dhe në 40 ndeshje shënoi gjashtë gola dhe pati tre asistime, përpara se të huazohej (në janar 2007) te Real Madrid, për të pasuar Roberto Carlos.

B.T (Dosja.al)

Sondazh

Poll

MË SHUMË