Bota

Mbështet qeverinë e Kinës/ Mblidhen rreth 100 mijë firma për heqjen e Donnie Yen si prezantues i 'Oscar 2023'

59-vjeçari është më i njohur për filmat 'Ip Man', një serial i Hong Kongut i bazuar në një mjeshtër të arteve marciale, i cili ka fituar më shumë se 400 milionë dollarë (338 milionë £) në arkat botërore. 

9 Mars 2023, 15:24 Nga a.l
Mbështet qeverinë e Kinës/ Mblidhen rreth 100 mijë firma
Donnie yen

SHBA- Dhjetëra mijëra njerëz kanë nënshkruar një peticion për të hequr aktorin nga Hong Kongu, Donnie Yen, si prezantues i çmimeve Oscar, për shkak të mbështetjes së tij për qeverinë kineze. Peticioni në internet u nis nga një grup njerëzish nga Hong Kongu.

Akademia e Arteve dhe Shkencave të Filmit, votuesit e së cilës përcaktojnë se kujt i shkojnë çmimet Oscar, nuk e ka komentuar ende peticionin. Yen është një yll i njohur globalisht i aksionit, i cili kohët e fundit shkaktoi polemika për një intervistë në të cilën ai i quajti protestat një trazirë, shkruan BBC. 

59-vjeçari është më i njohur për filmat 'Ip Man', një serial i Hong Kongut i bazuar në një mjeshtër të arteve marciale, i cili ka fituar më shumë se 400 milionë dollarë (338 milionë £) në arkat botërore. Ai më pas u shfaq së bashku me aktorin Keanu Reeves në filmin hollivudian 'John Wick 4'.

Peticioni i ngritur nga aktivisti i njohur i Hong Kongut Tong Wai-hung, pretendon se ftesa e Akademisë për Yen tregon përçmim për njerëzit e Hong Kongut dhe prania e tij do të dëmtojë imazhin dhe reputacionin e industrisë së filmit. Ka më shumë se 84,000 nënshkrime. Të enjten e kaluar, Yen u emërua si prezantues për çmimet e 95-të të 'Academy Awards', që do të mbahet në Los Angeles të dielën.

Nuk dihet se në cilën kategori Yen është planifikuar të paraqitet.  I lindur në Guangzhou, Kinë, Yen u rrit në Hong Kong dhe u transferua në SHBA në moshën 11-vjeçare. Ai fitoi nënshtetësinë amerikane, por më vonë hoqi dorë nga ajo.

donnie yen

Sondazh

Poll

MË SHUMË