Sport

Ancelotti, pas transfertës me Betis: “Jam i prekur, më shumë se i zemëruar”...

“Nuk bëmë zgjedhjet e duhura. Kjo do të thotë se në tre ndeshjet e fundit kemi shënuar vetëm një gol”.

6 Mars 2023, 07:07 Nga DOSJA
Ancelotti, pas transfertës me Betis: “Jam i prekur, më

SPANJE - Carlo Ancelotti, trajneri i Real Madridit, nuk e fshehu zhgënjimin e tij pas barazimit (0-0) të skuadrës së tij këtë të dielë në Betis. Në konferencën për shtyp pas ndeshjes, ai u shpreh: 

“Na mungonte efikasiteti përpara. Bëmë shumë pasimin kur duhej të gjuanim, driblonim kur duhej të pasonim... Nuk bëmë zgjedhjet e duhura. Kjo do të thotë se në tre ndeshjet e fundit kemi shënuar vetëm një gol. Për fat të mirë, edhe pse jemi prapa, jemi shumë më mirë se në fillim të sezonit. Por na mungon ekuilibri, duhet të jemi njësoj të mirë në të dyja anët e fushës.

Jam i prekur, më shumë se i zemëruar. Kjo, pasi skuadra me cilësinë që ka, nuk arrin të shënojë më shumë se një gol në tre ndeshje. Ky është realiteti dhe më prek shumë. Të prekur janë edhe lojtarët. 

Problemi është atje: ne kemi nevojë për pak më shumë efikasitet përpara dhe të shikojmë veten duke luajtur më pak. Mund të mendojmë se avantazhi është i madh në favor të Barçës, por duhet të luftojmë deri në fund”.

B.T (Dosja.al)

Sondazh

Poll

MË SHUMË