Sport

Superliga e Kosovës/ Ballkani ‘mësohet’ me barazimet, ngec edhe përballë Prishtinës…

Me fat Ballkani i Ilir Dajës. Pasi një javë më parë barazoi 1-1 me Dritën në shtëpi, këtë dielën barazoi përsëri 2-2 në transfertë ndaj Prishtinës. Gjithsesi, skuadra nga Suhareka e ruan kryesimin në renditje me 2 pikë epërsi, pasi Drita humbi dje në derbin me Gjilanit

5 Mars 2023, 19:07 Nga DOSJA
Superliga e Kosovës/ Ballkani ‘mësohet’ me barazimet, ngec

KOSOVE - Ballkani ngec në transfertën e Prishtinës, në takimin e javës të 23-të të Superligës së Kosovës, që u mbyll me barazimin 2-2. Pjesa e parë e ndeshjes u mbyll pa gola, ndërsa u desh minuta e 51-të që Pllana të zhbllokonte sfidën për vendasit. Vetëm shtatë minuta më pas Krasniqi dyfishoi avantazhin për Prishtinën.

Megjithatë në minutën e 80-të Gripshi ngushtoi diferencën dhe rihapi sfidën, teksa në minutën e 90’+9, Rrahmani barazoi nga pika e bardhë e penalltisë. Pas këtij takimi Prishtina qëndron në vend të katërt me 31 pikë, teksa Ballkani vijon të kryesojë, por tashmë në kuotën e 49 pikëve, dy më tepër se Drita që e ndjek nga afër.

Trepca 89 - Malisheva ndanë pikët, në sfidën që u mbyll me barazim pa gola. Të dyja skuadrat tentuan të gjenin rrugën drejt rrjetës, por pa sukses. Pas kësaj jave Trepca 89 renditet në vend të tetë me 23 pikë, teksa Malisheva në vend të shtatë me 25 pikë të grumbulluara.

B.T (Dosja.al)

Sondazh

Poll

MË SHUMË