Sport

“Nuk ishte profesionale, ai nuk ishte United i vërtetë”, trajneri Ten Hag i tërbuar pas humbjes historike ndaj ‘Reds’…

Erik Ten Hag u tërbua pas humbjes historike të pësuar nga Liverpool (7-0). Trajneri holandez nuk e njohu skuadrën e tij.

5 Mars 2023, 21:33 Nga DOSJA
“Nuk ishte profesionale, ai nuk ishte United i vërtetë”,

ANGLI - Është një humbje që do të shënojë historinë e Liverpool-Manchester United. Të mundur 7-0 në Anfield, ‘Djajtë e Kuq’ nuk ishin mposhtur kaq thellë nga ‘Reds’ që nga viti 1895! Në mënyrë të pashmangshme, pas takimit, Erik Ten Hag ishte i tërbuar. 

Në mikrofonin e Bein Sports England, trajneri holandez përdori fjalë të forta. Në pjesën e dytë, lojtarët e tij një katastrofë e vërtetë (pësuan 6-0!), ai bën thirrje për një reagim të shpejtë të skuadrës së tij, që do të presë spanjolët e Betisit në xhiron e 16-të të Europa League të enjten.

"Mund të humbet një ndeshje, por jo në këtë mënyrë. Ne luajtëm shumë mirë në pjesën e parë, me rastet të mira. Por pjesa e dytë, nuk është profesionale, nuk mund të ndodhë dhe ne duhet të flasim për këtë. Problemi nuk është një ose dy lojtarë, është i gjithë ekipi.

Ne hoqëm dorë, nuk iu përmbajtëm planit, nuk morëm vendimet e duhura... Është sjellje e keqe profesionale, nuk ishte Manchester United, ne duhet ta kuptojmë këtë. Të gjitha humbjet lëndojnë, veçanërisht ato ndaj Liverpoolit. Ne duhet të reagojmë si pas Brentford dhe City. Lojtarët janë elasticë, ata mund ta bëjnë këtë,"- u shpreh Ten Hag.

B.T (Dosja.al)

Sondazh

Poll

MË SHUMË