Politike

'Çalojmë tek koordinimi'/ Rama: Na duhet Ballkani i Hapur për të rregulluar këto probleme

Rama u shpreh se arsyeja se përse duhet 'Ballkani i Hapur' është që të sheshojë këto probleme që gjenden edhe në ministri. 

27 Shkurt 2023, 14:21 Nga A.B
'Çalojmë tek koordinimi'/ Rama: Na duhet Ballkani i Hapur
Edi Rama

PODGORICË- Kryeministri Edi Rama pranoi para të pranishmëve se komunikimi është problem në qeverinë shqiptare dhe në atë malazeze. Gjatë konferencës së përbashkët me Abazoviç, Rama u shpreh se arsyeja se përse duhet 'Ballkani i Hapur' është që të sheshojë këto probleme që gjenden edhe në ministri. 

'Mali i Zi, është bërë një vend lider dhe shembull në rajon në këtë aspekt, është e pabesueshme që ne nuk kemi vënë në shfrytëzim liqenin. Është 0 e shfrytëzuar, në mos nga disa që hedhin dinamit për të vrarë peshq të pafajshëm. Eshtë një situatë që ne duam ta përmbysim, pse nuk e kemi bërë dot deri tani, pasi problematika është tek koordinimi. Ne nuk e kemi kulturën e koordinimit, as brenda për brenda, nuk e di për te Mali i Zi, po nuk besoj të jetë ndryshe. Edhe ministri me ministri kanë kulturën e Republikave, jo sikur janë dy ministri në një qeveri. Kjo është sfida. Kjo është arsyeja pse duhet Ballkani i Hapur, pa ato nuk ka Paris, Bruksel që na shpëton. Se Moskë e Kinë jo e jo, nuk e gjeni.'- tha Rama.

edi rama mbledhja e qeverive ne podgorice

Sondazh

Poll

MË SHUMË