Aktualitet

Theu me shishe qelqi xhamin e autobusit të ekipit të Pogradecit, arrestohet i riu (EMRI)

Për fat të mirë, nga goditja nuk ka patur asnjë të lënduar.

27 Shkurt 2023, 10:56 Nga f.g

Theu me shishe qelqi xhamin e autobusit të ekipit të Pogradecit,

TIRANE- Një 22-vjeçar është arrestuar nga Policia e Shtetit pasi ka goditur me një shishe qelqi xhamin e autobusit ku ishte duke udhëtuar ekipi i Pogradecit. Incidenti ndodhi mesditën e djeshme ku Xhoni Zika, ka qëlluar mbi xhamin e autobusit të ekipit pas përfundimit të ndeshjes Pogradeci-Elbasani, ndeshje e cila përfundoi 1-1. Për fat të mirë, nga goditja nuk ka patur asnjë të lënduar.

NJOFTIMI I PLOTË: 

Librazhd, Goditi me send të fortë (shishe qelqi), xhamin e autobusit në të cilin udhëtonte ekipi i futbollit KF Pogradeci, vihet në pranga 22-vjeçari. Specialistët për Hetimin e Krimeve të Komisariatit të Policisë Librazhd, menjëherë pas njoftimit të marrë se pas përfundimit të ndeshjes së futbollit të zhvilluar ditën e djeshme, në stadiumin Elbasan Arena, ndërmjet skuadrave KF Pogradeci dhe KF Elbasanit, në aksin rrugor “Elbasan-Librazhd”, në afërsi të Librazhdit, një shtetas kishte goditur me send të fortë (shishe qelqi), xhamin e autobusit në të cilin udhëtonte ekipi i futbollit KF Pogradeci, kanë organizuar punën me qëllim kapjen e tij.

Falë veprimeve të shpejta operacionale, u bë e mundur kapja dhe arrestimi i shtetasit Xh. Zh., 22 vjeç, banues në Elbasan, për veprën penale "Shkatërrimi i pronës" dhe "Goditja e sportistit, trajnerit, arbitrit, ndërmjetësit sportiv". 22-vjeçari, teksa lëvizte me automjet, ka goditur me send të fortë (shishe qelqi), xhamin e autobusit në të cilin udhëtonte ekipi KF Pogradeci, pas zhvillimit të ndeshjes së futbollit, ditën e djeshme, në stadiumin Elbasan Arena. Nga goditja, nuk është dëmtuar asnjë nga futbollistët që ndodheshin në autobus. Materialet procedurale i kaluan Prokurorisë pranë Gjykatës së Shkallës së parë Elbasan, për veprime të mëtejshme./Dosja.al

xhoni zika

Sondazh

Poll

MË SHUMË