Aktualitet

EMRAT/ Kush janë rrëmbyesit e 24-vjeçares në Fier, e morën për ta prostituuar, koka ishte pronari i club 'Cassablanca'

32-vjeçarja e arrestuar në Fier, Pranvera Isufaj, rezulton të jetë gjithashtu me precedentë penalë. Ajo, në vitin 2018 ka kundërshtuar forcat e policisë gjatë kontrollit që po zhvillonin në një lokal nate në Fier ku shitej kokainë.

27 Shkurt 2023, 10:44 Nga F.M
EMRAT/ Kush janë rrëmbyesit e 24-vjeçares në Fier, e
Klubi Casablanca

FIER- Arbër Mehmeti është 33-vjeçari që është shpallur në kërkim pasi akuzohet se është kreu i grupit që mbajti peng 24-vjeçaren dhe e prostituoi për dy muaj rresht. Ai është pronar i klub “Cassablanca” në Fier, ku dyshohet se është ushtruar aktiviteti i prostitucionit.

Mehmeti ishte dënuar më parë për vrasje të mbetur në tentative, pasi në vitin 2013 tentoi të vriste me armë zjarri dy të rinjtë E.S dhe E.S, 21 vjeç. Ngjarja ndodhi në vendin e quajtur “Transport Patos”. Mehmeti u vu në pranga së bashku me të identifikuarin si Shpëtim Kanda.

32-vjeçarja e arrestuar në Fier, Pranvera Isufaj, rezulton të jetë gjithashtu me precedentë penalë. Ajo, në vitin 2018 ka kundërshtuar forcat e policisë gjatë kontrollit që po zhvillonin në një lokal nate në Fier ku shitej kokainë. Në momentin që u arrestua për pengmarrjen e 24-vjeçares dhe shfrytëzimin e saj për prostitucion, 32-vjeçarja ishte me masë sigurie "Arrest në shtëpi".

19-vjeçarja që u vu në pranga për të njëjtën arsye është identifikuar si Aleksandra Toska. E arrestuar është edhe një 17-vjeçare, por për shkak të moshës së saj, emri nuk i është bërë publik.

Të katërt me anë të kanosjes kishin kërcënuar 24-vjeçaren dhe e kishin mbajtur peng për dy muaj rresht. Duke e dërguar në banesa me qira apo hotele, ata e kishin shfrytëzuar të renë për prostitucion./Dosja.al

pengmarrje e prostitucion ne fier arber mehmeti pranvera isufaj aleksandra toska

Sondazh

Poll

MË SHUMË