Sport

Cristiano Ronaldo i Al-Nassr vesh "fustanin" kombëtar, përdor edhe shpatën në festimet e "Ditës së Themelimit" të Arabisë Saudite

Superylli i Al-Nassr, Cristiano Ronaldo, veshi fustanin kombëtar dhe mbajti shpatën në parkun Mrsool të mërkurën, si pjesë e festimeve të ditës së themelimit!

23 Shkurt 2023, 14:04 Nga DOSJA
Cristiano Ronaldo i Al-Nassr vesh "fustanin" kombëtar,

ARABI SAUDITE - 38-vjeçari postoi videon e tij duke festuar me shokët e tij në Twitter dhe shkroi, "Gëzuar ditën e themelimit për Arabinë Saudite ???????? Ishte një përvojë e veçantë për të marrë pjesë në festën në @AlNassrFC!"



Dita e Themelimit të Arabisë Saudite festohet çdo vit më 22 shkurt për të përkujtuar themelimin e vendit nga Imam Mohammed bin Saud në vitin 1727. Ajo u shpall festë kombëtare vitin e kaluar pas një dekreti mbretëror nga mbreti Salman.

Ronaldo shkoi tek Al-Nassr në fillim të këtij viti. Në nëntor të vitit të kaluar, ish-klubi i tij Manchester United i ndërpreu kontratën sulmuesit portugez. Dalja e tij në publik ishte e ashpër në intervistën e fmashme me Piers Morgan.

Në intervistën e tij, Ronaldo ka sulmuar Manchester United dhe menaxherin Erik ten Hag në një intervistë televizive nxitëse, duke thënë se ai ndihet i “tradhtuar” nga klubi dhe se figura të larta janë përpjekur ta detyrojnë atë të largohet nga Old Trafford.

Kur u pyet në programin "Piers Morgan Uncensored" nëse hierarkia e United po përpiqej ta detyronte atë të largohej nga klubi, Ronaldo tha: "Po, jo vetëm trajneri, por dy ose tre djem të tjerë rreth klubit. U ndjeva i tradhtuar.”

Kur u pyet përsëri nëse drejtuesit e lartë të klubit po përpiqeshin ta largonin atë, ylli 37-vjeçar portugez tha: “Nuk më intereson. Njerëzit duhet të dëgjojnë të vërtetën.

“Po, u ndjeva i tradhtuar dhe ndjeva sikur disa njerëz nuk më duan, jo vetëm këtë vit, por edhe vitin e kaluar”.

B.T (Dosja.al)

Sondazh

Poll

MË SHUMË