Politike

10 ditë nga vendimi për fatin e PD, Alibeaj: Pranojmë çdo verdikt! Gjykatës të mos i bëhet presion. Vula e sigla na takojnë ne! Opozita s’mund t’i kthejë tytat drejt Perëndimit

Gjatë fjalës që mbajti para demokratëve, deputeti nuk la pa përmendur edhe sulmet e Berishës ndaj ambasadorëve. Ai tha se PD-ja, një parti që lindi për të sjellë demokracinë nuk mund t'i kthejë 'tytat' nga Perëndimi, referuar akuzave të kryedemokratit ndaj ambasadorëve. 

22 Shkurt 2023, 19:19 Nga F.M
10 ditë nga vendimi për fatin e PD, Alibeaj: Pranojmë çdo
Enkelejd Alibeaj

TIRANË- Enkelejd Alibeaj ka bërë thirrje për pranimin e vendimit që Gjykata pritet të japë më 3 mars, lidhur me fatin e vulës së Partisë Demokratike. Në një takim të zhvilluar në Tiranë këtë mesditë, Alibeaj bëri thirrje që të gjitha palët të pranojnë verdiktin e Gjykatës, referuar kryedemokratit Sali Berisha, por shtoi se vula e sigla i takojnë grupit të tij.

Alibeaj komentoi dhe protestat e zhvilluara nga Berisha e përplasjet në Kuvend dhe tha se asnjë prej atyre që sot bën 'zhurmë' nuk guxon të përmendë emra oligarkësh, pasi drekojnë e darkojnë me ta. Gjatë fjalës që mbajti para demokratëve, deputeti nuk la pa përmendur edhe sulmet e Berishës ndaj ambasadorëve. Ai tha se PD-ja, një parti që lindi për të sjellë demokracinë nuk mund t'i kthejë 'tytat' nga Perëndimi, referuar akuzave të kryedemokratit ndaj ambasadorëve. 

Pjesë nga fjala e Alibeajt:

Ndoshta në mendjen e gjithsecilit është fakti se ç'do të ndodhë më 3 mars. Asgjë e çuditshme, ligji do të zbatohet! Ne jemi me të drejtën, provat janë me ne, faktet janë me ne. Sigla, vula, kontrubit, shpirti, zemra e Partisë Demokratike, u takon këtyre njerëzve. Sistemi gjyqësor ta bëjë punën e vet, sjellja civile e një partie është kjo, çfarë është gjykatë është gjykatë. Të mos bëjmë presione. Partia Demokratike janë njerëzit këtu, por meqë ligji e do, të merret vendimi. Të pranohet vendimi i gjykatës, kushdo nga palët, unë do ta pranoj. Ta lërë gjykatën të marrë vendime, pa korrupsion poliitk, pa asgjë, ta lërë gjykatën. Ne e pranojmë vendimin e gjykatës, sido qoftë ai. Pas këtij momenti, ne do të fillojmë edhe njëherë organizimin masiv për fushatën elektorale. Revolucioni i vërtetë nuk orkestrohet nga lart, besimi duhet të lindë nga njerëzit, duket të ndodhë në mendjen e çdo shqiptari, pa dallim orientimi, të majtë apo të djathtë. Njerëzit mblidhen në mënyrë spontane, jo me orkestrim politik që nuk sjell asnjë gjë të re.  Kush nga palët në parlament që bëjnë zhurmë të madhe guxon të përmendë emrin e një oligarku? Ata që i presin në paradhomë, që ulen me ta? Që takohen drekave e darkave? Kush e ka bërë luftën kundër inceneratorëve, kush e ka bërë luftën kundër invvestitorëve strategjikë, hapjen e dosjeve? Kjo kërkon kurajo të fortë. Dhe më pas na kauzojnë për të shitur. Nuk mund të jetë PD, me tytat drejtuar nga perëndimi. Kemi detyrime të mëdhaja ndaj perëndimit, nuk mund ta asgjësojmë. PD që lindi si një parti e demokracisë, e lirisë, nuk mund ta bëjë këtë gjë sot.

Gjykata e Apelit ka caktuar 3 marsin si datë kur pritet të mbahet seanca për marrjen e vendimit për vulën e Partisë Demokratike. Në një njoftim zyrtar, bëhet me dije se seanca pritet të nisë në orën 11:00 të 3 marsit. Vendimi i gjyqtarit Agron Zhukri që i dha vulën e selinë blu kryedemokratit Sali Berisha do të shqyrtohet nga trupi gjykues i përbërë nga Relatore Gjyqtare Elona Mihali, anëtar Irida Kacerja dhe Astrit Kalaja. 

enkelejd alibeaj pd ne gjyq sali berisha

Sondazh

Poll

MË SHUMË