Politike

'Fytyra e regjimit'/ Policia i kontrolloi biznesin, Shehaj nxjerr pamjet kur efektivët futen brenda, deputeti: Po më sulmojnë

Shehaj deklaron se bizneset e tij prej kohësh janë në sulm të paligjshëm nga Policia, e cila vepron me urdhër të kryeministrit Edi Rama. 

17 Shkurt 2023, 14:33 Nga A.B
'Fytyra e regjimit'/ Policia i kontrolloi biznesin, Shehaj nxjerr
Policia

TIRANË- Deputeti i Partisë Demokratike, Agron Shehaj ka bërë publike pamjet nga momenti kur policia i futet brenda biznesit të tij. Ai shprehet se kjo gjë po ndodh për herë të katërt e se nuk ka asnjë urdhër apo vendim gjykate që i lejon të kryejnë këtë veprim. Shehaj deklaron se bizneset e tij prej kohësh janë në sulm të paligjshëm nga Policia, e cila vepron me urdhër të kryeministrit Edi Rama. 

POSTIMI: 

Për herë të katërt, pa asnjë urdhër dhe pa asnjë vendim gjykate, policia politike e Edi Ramës ka mësyrë sërish bizneset e mia duke terrorizuar dhe nxjerrë me forcë jashtë punonjësit. Prej disa kohësh, sipërmarrjet e mia janë vënë nën sulmin e paligjshëm të policisë së shtetit, e cila me urdhër direkt të Kryeministrit përdoret si kamzhik kundër kundërshtarëve politikë. Shikojini pamjet. Kjo është fytyra e regjimit sot.

Rama duhet ta ketë të qartë se unë nuk ndalem sepse besoj se kjo është opozita për të cilën ka nevojë vendi.
Do të vazhdoj të them të vërtetën dhe të denoncoj çdo aferë ku është përfshirë Kryeministri dhe qeveria si në rastin e kompanisë quackë të inceneratorëve, të Xhaçkës, Gjiknurit apo megaskandalit të Ramës në SHBA.

agron shehaj

Sondazh

Poll

MË SHUMË