Sport

Prokuroria nis hetimet, Barcelona kërcënohet me përjashtim nga liga

Para gjykatës së hetimit dëshmuan disa ish-drejtues të katalanasve, si dhe pronarë të kompanisë. Spanjolli nuk i ka denoncuar pagesat e përmendura në administratën tatimore dhe thotë se nuk e ka bërë këtë pasi vetëm “ka ofruar shërbime këshillimore”.

16 Shkurt 2023, 21:59 Nga DOSJA

Prokuroria nis hetimet, Barcelona kërcënohet me përjashtim nga

SPANJE - Një skandal i ri është në horizont në Spanjë. Prokuroria vendase e shtetit po heton kompaninë "Dasnil 95 " në pronësi të Jose Enriquez Negreira, një gjyqtar spanjoll për një kohë të gjatë dhe nënkryetar i komisionit teknik të Primera, në llogarinë e të cilit Barcelona ka paguar gjithsej 1.4 milionë euro në tre raste nga 2016 deri në 2018.

Negreira u largua nga komisioni teknik në vitin 2018 dhe pak para largimit mori pagesën e fundit nga Barcelona. Para gjykatës së hetimit dëshmuan disa ish-drejtues të katalanasve, si dhe pronarë të kompanisë. Spanjolli nuk i ka denoncuar pagesat e përmendura në administratën tatimore dhe thotë se nuk e ka bërë këtë pasi vetëm “ka ofruar shërbime këshillimore”.

Prokuroria nis hetimet, Barcelona kërcënohet me përjashtim nga

Këshillat thuhet se kanë të bëjnë me mënyrën se si lojtarët duhet t'i trajtojnë gjyqtarët në dritën e rregullave të komitetit të arbitrave dhe Barcelona tha menjëherë pas shpalljes së rezultateve të hetimit se në të kaluarën kishte përdorur këshilltarë nga jashtë klubit të cilët kryesisht analizonin gjyqtarët e rinj.

Më vonë, sipas deklaratës, "klubi e zgjeroi bashkëpunimin me raportet teknike që lidhen me arbitrimin profesionist në mënyrë që të fitojë njohuri për informacionin me kërkesë të stafit stërvitor të ekipit të parë, që është një praktikë e zakonshme në klubet profesionale".

Ish-presidenti i Barcelonës, Josep Bartomeu, i cili ishte në krye të klubit gjatë periudhës së diskutueshme, tha se klubi kishte paguar para në llogarinë e kompanisë së Negreira që nga viti 2003, kur njeriu i parë i klubit ishte presidenti aktual, Joan Laporta .

Prokuroria nis hetimet, Barcelona kërcënohet me përjashtim nga

Skandali shpërtheu në një kohë kur Barcelona është në vendin e parë në tabelë, 11 pikë përpara Real Madridit dhe është në rrugë shumë të mirë për të fituar titullin e parë që nga viti 2019.

Nëse dënohen, Barcelona i kërcënohet me humbje pikësh ose në rastin më të keq me përjashtim nga Primera, shkruajnë mediat spanjolle.

Presidenti i Barcelonës shtoi se kjo është një përpjekje për të destabilizuar klubin.

“Duhet ta dini që kjo histori nuk doli rastësisht pikërisht tani kur ne jemi shumë mirë. Nuk është rastësi. Klubi do të bëjë gjithçka për të mbrojtur integritetin dhe reputacionin e tij dhe ne do të reagojmë siç duhet ndaj çdo përpjekjeje për të na shpifur dhe shtrembëruar të vërtetën. Nuk e përjashtoj faktin që Barcelona përdori dhe paguante shërbimet e konsulencës në lidhje me provën, që është praktikë e të gjitha klubeve të mëdha. Nuk e bëjmë më këtë sepse tani kemi këshilltarë të tillë brenda klubit”, ka thënë Laporta ”, përfundoi Laporta.

B.T (Dosja.al)

Sondazh

Poll

MË SHUMË