Aktualitet

Korrupsioni me tenderët në Bashkinë Dimal/ 2 punonjësit e arrestuar rezultojnë pronarë të spitalit në Kosovë, pritet që hetimet të zgjerohen

Pritet që hetimi në koordinim me SPAK të shtrihet deri në Kosovë për të gjetur gjurmë të raporteve korruptive. Sipas asaj që u bë e ditur ditën e djeshme, 4 zyrtarët jepnin leje ndërtimi kundrejt ryshfeteve që varionte nga 2500 euro deri në 3 mijë euro. Hetimet kanë zbuluar favorizimin e kompanive të ndërtimit nga ana e zyrtarëve të bashkisë.

15 Shkurt 2023, 20:26 Nga A.B
Korrupsioni me tenderët në Bashkinë Dimal/ 2 punonjësit e
SPAK

TIRANË- Detaje të reja kanë dalë në dritë pas arrestimit të gjashtë personave për korrupsion. Me urdhër të SPAK, u vunë në pranga 6 persona, të cilët dyshohet se kanë kryer korrupsion dhe kanë shpërdoruar detyrën.

Katër ishin punonjës të bashkisë Dimal dhe dy punonjës të kompanisë së ndërtimit “Ed Konstruksion”. Në pranga janë vënë drejtori i Zyrës së Urbanistikës në Bashkinë Dimal Altin Pali, Valentina Jançe, shefe e Urbanistikës, Agim Cuni, Specialist te Emergjencat, dhe Arben Guraj, Përgjegjës i sektorit të Shërbimeve.

'Gazeta Express' raporton se dy të arrestuarit e tjerë Vait Koshi dhe Arjan Demiraj janë punonjës të kompanisë “Ed Konstruksion” e cila ka përfituar disa tendera publikë përmes korrupsionit, ndërsa në pronësi të tyre është edhe një spital privat në Prishtinë, “United Hospital”.  Pritet që hetimi në koordinim me SPAK të shtrihet deri në Kosovë për të gjetur gjurmë të raporteve korruptive.

Sipas asaj që u bë e ditur ditën e djeshme, 4 zyrtarët jepnin leje ndërtimi kundrejt ryshfeteve që varionte nga 2500 euro deri në 3 mijë euro. Hetimet kanë zbuluar favorizimin e kompanive të ndërtimit nga ana e zyrtarëve të bashkisë. Gjatë viteve të fundit, rezulton se kompania Ed Konstruksion ka marrë mbi 110 milionë USD tendera nga pushteti vendor dhe qëndror.

kosove spak vait koshi arjan demiraj altin pali valentina jance

Sondazh

Poll

MË SHUMË