Bota

'Na zgjati dorën në kohë të vështira'/ Shmangen tensionet, Ministri i Jashtëm turk vlerëson ndihmën e Armenisë për të prekurit nga tërmeti

Ministri shtoi se vizita e Mirzoyan në Turqi ishte domethënëse.

15 Shkurt 2023, 15:01 Nga a.l
'Na zgjati dorën në kohë të vështira'/
Mevlut Cavusoglu

TURQI- Ministri i Jashtëm turk Mevlut Cavusoglu ka vlerësuar ndihmën e Armenisë për të prekurit nga tërmeti i fuqishëm në Turqi 9 ditë më parë. Në një konferencë shtypi me homologun e tij armen Ararat Mirzoyan në kryeqytetin Ankara, Cavusoglu është shprehur se Armenia i zgjati Turqisë dorën pas tërmeteve të dyfishta të javës së kaluar që deri më tani kanë marrë jetën e afro 35,420 personave në vend. 

"Armenia zgjati dorën e miqësisë në këtë kohë të vështirë dhe tregoi solidaritet dhe bashkëpunim," tha Cavusoglu.

Ministri shtoi se vizita e Mirzoyan në Turqi ishte domethënëse.  Duke vënë në dukje se Armenia dërgoi një ekip kërkimi dhe shpëtimi prej 28 personash në Turqi pas tërmeteve, Cavusoglu tha se përpjekjet e tyre kanë vazhduar në Adiyaman që nga 8 shkurti.

“Ata dërguan 100 tonë ndihma humanitare dhe thanë se do të dërgonin ndihmë shtesë. Pas atij tërmeti, ndihma e Turqisë u dërgua në Armeni duke kaluar përmes portës kufitare Alican. Ndihma humanitare nga Armenia erdhi në vendin tonë përmes së njëjtës portë kufitare. Ne duhet të vazhdo këtë solidaritet”, shtoi ai.

Mediat e huaja raportojnë se, kufiri Turqi-Armeni u rihap për herë të parë në 30 vjet pas tërmeteve në Turqinë jugore për të lehtësuar kalimin e ndihmave humanitare për viktimat e fatkeqësive. Në lidhje me procesin e vazhdueshëm të normalizimit diplomatik midis Armenisë dhe Azerbajxhanit, si dhe Turqisë, Cavusoglu tha se përparimi do të kontribuojë në paqen dhe prosperitetin e rajonit turk.

Lëkundjet me magnitudë 7.7 dhe 7.6 ballë më 6 shkurt ishin të përqendruara në provincën Kahramanmaras dhe goditën nëntë provinca të tjera – Hatay, Gaziantep, Adiyaman, Malatya, Adana, Diyarbakir, Kilis, Osmaniye dhe Sanliurfa. Më shumë se 13 milionë njerëz në Turqi janë prekur nga tërmetet shkatërruese. Disa vende në rajon, përfshirë Sirinë dhe Libanin, gjithashtu ndjenë lëkundjet e forta që goditën në hapësirën e më pak se 10 orësh.

mevlut çavusoglu

Sondazh

Poll

MË SHUMË