Politike

Berisha: Kam marrë nga Britania e Madhe dokumentat se përse jam shpallur 'non grata'

Sali Berisha tha se ndryshe nga SHBA ku duhet të lobosh për të marrë shkresa, Britania e mundëson një gjë të tillë sepse ka në fuqi një sistem të tillë që të mundëson rekursin administrativ.

13 Shkurt 2023, 22:06 Nga k.m.
Berisha: Kam marrë nga Britania e Madhe dokumentat se përse jam
Sali Berisha

TIRANË- Kryetari i Partisë Demokratike Sali Berisha ka deklaruar se ka siguruar dokumentet në lidhje me shpalljen e tij "non grata" nga Britania e Madhe, dokumente që ka paralajmëruar se do t’i bëjë publike. Sot, i ftuar në emisionin “Top Story”, Berisha tha se ndryshe nga SHBA ku duhet të lobosh për të marrë shkresa, Britania e mundëson një gjë të tillë sepse ka në fuqi një sistem të tillë që të mundëson rekursin administrativ.

"Urrejtja e George Soros, sepse unë në 2017 kam kërkuar shpalljen e tij non grata sepse e gjykoj atë si një armik të shqiptarëve. Unë do të mbroj interesin e vendit tim sepse unë do e mbroj interesin e vendit tim. Jam që të ndëshkohet çdo njeri që ka kryer krim e ka të dhëna të sigurta, por më rastisi të provoj dy procedurat, të Britanisë së Madhe dhe të SHBA-së, ajo e Britanisë më ndihmoi shumë, kam marrë të gjitha dokumente pse jam shpallur non-grata. Nëse shtetet e Bashkuara për të marrë dokumentet duhet të lobosh dhe ky është korrupsion, ndërsa Britania ka ligjin që u mor vendimi dhe nuk shkon dot në gjykatë pa bërë rekursin administrativ. Ka kanalin e veçantë të rekursit administrativ. Miqtë e mi kanë shkruajtur një seri që SHBA-ja duhet të plotësojë ligjin dhe unë nuk jam kurrë dakord me këtë. Ja çfarë solli kjo praktikë, Gonigalin që i merrte milionat tjetrit. Mungesa e këtij kanali që tjetrit duhet ti japësh dokumentet se përse e shpalle për mua është thelbësore. Standarti evropian nuk njeh sanksion pa proces gjyqësor dhe ky është standarti më i mirë,"-tha Berisha.

 

sali berisha

Sondazh

Poll

MË SHUMË