Sport

Bayern Munich planifikon një sanksion historik për portierin Neuer…

Kapiteni i Bayernit kërkoi dialog me trajnerin Julian Nagelsmann, për t'i dhënë fund luftës në klub, që shkaktoi intervista e tij e diskutueshme. ‘Bild’ thotë se ai do të gjobitet.

10 Shkurt 2023, 20:14 Nga DOSJA
Bayern Munich planifikon një sanksion historik për portierin

GJERMANI - Pak nga pak, paqja po kthehet në ‘Allianz Arena’. Një javë pas intervistës kontroverse të Manuel Neuer, në të cilën ai kritikoi ashpër trajnerin Julian Nagelsmann dhe bosët e Mynihut, për shkak të shkarkimit të shokut të tij të ngushtë Toni Tapalovic, si trajner portierësh, kapiteni i bavarezëve kishte kërkuar dialog me trajnerin për të zgjidhur konfliktin. Gazeta gjermane ‘Bild’, e cila supozon se çështja është zgjidhur, raporton se klubi po mendon ta gjobisë me një pagë mujore, e cila do të ishte e barabartë me 1.6 milionë euro.

“Për mua ishte një goditje, kur isha i dëmtuar. Ndjeva sikur po më shqyen zemrën. Ishte gjëja më brutale që kam përjetuar në karrierën time. Dhe kam përjetuar shumë gjëra. Unë kam rrezitur, por ajo që ka ndodhur tani është në një nivel tjetër. Të gjithë në grupin tone u bënë copë-copë. Njerëzit filluan të qajnë. Mendoj se kjo i thotë të gjitha. Portierët janë një skuadër brenda skuadrës, por Toni ishte i popullarizuar në të gjithë skuadrën”,- ka thënë Neuer në intervistën për Sueddeutsche Zeitung dhe The Athletic.

Ishte fillimi i një lufte të hapur te Bayern, në të cilën shkopinj filluan të binin shi mbi Neuer. “Nga këndvështrimi im, ai nuk do ta kishte dhënë intervistën, sidomos kur thotë se klubi është në plan të parë”,- ishin fjalët e drejtorit sportiv Hasan Salihamidzic lidhur me këtë. “Nuk ndihmon në ruajtjen e paqes”,- theksoi ai. Gjithsesi, tani kapiteni Manuel Neuer, jashtë deri në fund të sezonit për shkak të një frakture tibiale të pësuar gjatë skijimit, ka zgjatur dorën e pajtimit.

B.T (Dosja.al)

Sondazh

Poll

MË SHUMË