Bota

Ambasadori Rohde përshëndet nënshkrimin e tre marrëveshjeve në kuadër të Procesit të Berlinit: Afrojnë Ballkanin Përndimor me BE-në

Ambasadori i Gjermanisë në Kosovë, Jörn Rohde ka përshëndetur tri marrëveshjet e lëvizshmërisë që sipas tij, tregojnë qartë përfitimet që sjell Procesi i Berlinit.

8 Shkurt 2023, 20:19 Nga a.l
Ambasadori Rohde përshëndet nënshkrimin e tre marrëveshjeve
Jorn Rohde

KOSOVË- Ambasadori i Gjermanisë në Kosovë, Jörn Rohde ka përshëndetur tri marrëveshjet e lëvizshmërisë që sipas tij, tregojnë qartë përfitimet që sjell Procesi i Berlinit. Në mbledhjen e Qeverisë u miratuan tri projektligje nga marrëveshja e Procesit të Berlinit. Për ratifikim u dha dritë e gjelbër për marrëveshjet: për lëvizjen e lirë me letërnjoftime në Ballkanin Perëndimor, marrëveshja për njohjen e kualifikimeve profesionale të mjekëve, stomatologëve dhe arkitektëve në kontekstin e marrëveshjes së tregtisë së lirë të Evropës Qendrore, ndërsa në këtë mbledhje u miratua edhe projektligji për ratifikimin e marrëveshjes për njohjen e kualifikimeve të arsimit të lartë në Ballkanin Perëndimor. 

“Tri marrëveshjet për lëvizje tregojnë qartë përfitimet që Procesi i Berlinit iu sjell qytetarëve. Ato nxisin integrimin rajonal dhe e afrojnë Ballkanin Perëndimor me BE-në”, shkruan Rohde. 

Ndërkaq, kryeministri Albin Kurti në mbledhjen e sotme të Qeverisë tha se ky është edhe një hap drejt përfitimeve konkrete nga Procesi i Berlinit. Të mërkurën qeveria po ashtu ndau mjete për pagesën e 580 specializantëve me vetëfinancim gjatë vitit 2023.

jorn rohde

Sondazh

Poll

MË SHUMË