Bota

Tërmeti në Turqi, Erdogan: Shpallen 7 ditë zie kombëtare

Me anë të një postimi në Twitter, Erdogan theksoi se flamuri do të ulet në gjysmë-shtizë për 7 ditë deri më 12 shkurt.

6 Shkurt 2023, 19:06 Nga I.A
Tërmeti në Turqi, Erdogan: Shpallen 7 ditë zie kombëtare
Rexhep Tajip Erdogan

TURQI- Presidenti turk Rexhep Tajip Erdogan shpalli shtatë ditë zie kombëtare për shkak të tërmetit. Me anë të një postimi në Twitter, Erdogan theksoi se flamuri do të ulet në gjysmë-shtizë për 7 ditë deri më 12 shkurt.

Postimi i Erdogan: 

“Për shkak të tërmeteve që ndodhën në vendin tonë më 6 shkurt 2023, është shpallur zie kombëtare për shtatë ditë. Flamuri ynë do të valëvitet në gjysmështizë deri në perëndimin e diellit të dielën, më 12 shkurt 2023, në të gjithë vendin tonë dhe brenda përfaqësive të huaja”.

Çfarë po ndodh në Turqi?

Kufiri mes Turqisë dhe Sirisë është goditur ditën e sotme nga dy tërmete të fuqishme. I pari tronditi banorët rreth orës 04:17 dhe ishte 7.4 ballë. Ndërsa i dyti, 7.7 ballë ndodhi rreth orës 11: 24. Deri më tani, janë shënuar mbi 2,509 viktima dhe mbi 10 mijë të plagosur. Lëkundja e parë tronditi banorët rreth orës 04:17 me epiqendër pranë qytetit të Gaziantep. Tërmeti i parë ndodhi 23 kilometra (14.2 milje) në lindje të Nurdagi, provincën Gaziantep, në një thellësi prej 24.1 kilometrash (14.9 milje), tha Shërbimi Gjeologjik i Shteteve të Bashkuara (USGS). Nurdagi ndodhet përgjatë kufirit Turqi-Siri dhe tërmeti u ndje në disa vende të rajonit, duke përfshirë Sirinë dhe Libanin. Ndërtesat u shembën në Kahramanmaraş, Gaziantep, Diyarbakır, Malatya, Şanlıurfa, Adıyaman, Hatay, Adana dhe Osmaniye u shkatërruan. Tashmë ka nisur një operacion kërkim-shpëtimi. Paslëkundjet deri më tani raportohet të kenë qënë mbi 18.

rexhep tajip erdogan

Sondazh

Poll

MË SHUMË