Bota

Tërmeti Turqi-Siri, Putin: Do t'iu ndihmojmë të eleminojmë pasojat e kësaj lufte

Sipas mediave ruse, Erdogan falenderoi ngrohtësisht Putin dhe tha se ai po udhëzonte departamentet kompetente të vendit të pranonin ndihmën e shpëtimtarëve rusë.

6 Shkurt 2023, 18:33 Nga I.A
Tërmeti Turqi-Siri, Putin: Do t'iu ndihmojmë të
Erdogan dhe Putin

RUSI- Presidenti rus Vladimir Putin zhvilloi telefonata të veçanta me homologët e tij turk dhe sirian, Rexhep Tajip Erdogan dhe Bashar al-Asad, të hënën dhe u zotua për ndihmën e Moskës pas tërmeteve shkatërruese, sipas një leximi të Kremlinit. Putin i shprehu Erdoganit ngushëllime të thella për tërmetet shkatërruese dhe riafirmoi gatishmërinë e tij për tu ofruar menjëherë partnerëve turq ndihmën e nevojshme për eliminimin e pasojave të kësaj fatkeqësie natyrore.

Sipas mediave ruse, Erdogan falenderoi ngrohtësisht Putin dhe tha se ai po udhëzonte departamentet kompetente të vendit të pranonin ndihmën e shpëtimtarëve rusë. Në një bisedë me Asadin, Putin gjithashtu përcolli ngushëllimet e tij dhe i ofrojë palës siriane ndihmën e nevojshme për eliminimin e pasojave të kësaj fatkeqësie, të cilën Assad e pranoi.  

“Bashar al-Assad e pranoi këtë ofertë me mirënjohje dhe në orët e ardhshme, shpëtimtarët nga Ministria ruse e Emergjencave do të fluturojnë për në Siri”, thuhet në deklaratën e Kremlinit. 

Çfarë po ndodh në Turqi?

Kufiri mes Turqisë dhe Sirisë është goditur ditën e sotme nga dy tërmete të fuqishme. I pari tronditi banorët rreth orës 04:17 dhe ishte 7.4 ballë. Ndërsa i dyti, 7.7 ballë ndodhi rreth orës 11: 24. Deri më tani, janë shënuar mbi 2361 viktima dhe mbi 10 mijë të plagosur. Lëkundja e parë tronditi banorët rreth orës 04:17 me epiqendër pranë qytetit të Gaziantep. Tërmeti i parë ndodhi 23 kilometra (14.2 milje) në lindje të Nurdagi, provincën Gaziantep, në një thellësi prej 24.1 kilometrash (14.9 milje), tha Shërbimi Gjeologjik i Shteteve të Bashkuara (USGS). Nurdagi ndodhet përgjatë kufirit Turqi-Siri dhe tërmeti u ndje në disa vende të rajonit, duke përfshirë Sirinë dhe Libanin. Ndërtesat u shembën në Kahramanmaraş, Gaziantep, Diyarbakır, Malatya, Şanlıurfa, Adıyaman, Hatay, Adana dhe Osmaniye u shkatërruan. Tashmë ka nisur një operacion kërkim-shpëtimi. Paslëkundjet deri më tani raportohet të kenë qënë mbi 18.

termet ne turqi vladimir putin

Sondazh

Poll

MË SHUMË