Politike

Berisha: Faqja më e zezë e dosjes McGonigal, mbetet skenari i shkatërrimit të opozitës dhe pluralizmit në Shqipëri

Në fillim tha ai, u sulmua Nik Muzin, më pas shpallja e tij non grata...

6 Shkurt 2023, 12:21 Nga f.g
Berisha: Faqja më e zezë e dosjes McGonigal, mbetet skenari i
Sali Berisha, kryetar i PD

TIRANE- Kryetari i Partisë Demokratike, Sali Berisha e akuzoi kryeministrin Edi Rama se me çështjen McGonigal kërkoi të shkatërronte opozitën, në një skenar të ndarë me 3 etapa. Në fillim tha ai, u sulmua Nik Muzin, më pas shpallja e tij non grata dhe faza e tretë me përjashtimin e PD nga zgjedhjet lokale të 14 majit.

Sali Berisha: Por në rast të kundërt, faqja më e zezë e dosjes McGonigal, mbetet skenari i shkatërrimit të opozitës dhe pluralizmit në Shqipëri. Skenar, i cili u zhvillua në tre etapa: e para, në zyrat e McGonigal kundër Nick Muzin, që u kurorëzoi në ndjekjen penale të Lulzim Bashës dhe mbylljes së dosjes dhe marrjes peng të Bashës.
Etapa e dytë ishte sanksionimi i Sali Berishës, pasi ai nuk do pranonte kurrë që PD të bashkëqeveriste me Edi Ramën. Etapa e dytë e skenarit, pavarësisht se kishte apo jo, përfshihej apo jo në këtë aferë McGonigal, duhet të them se Yuri Kim, luajti rolin, duke shkelur çdo parim, çdo ligj dhe Kushtetutë, luajti rolin e McGonigal për shkatërrimin e opozitës shqiptare dhe këtë e panë të gjithë shqiptarët.
Etapa e tretë, Edi Rama në mënyrën më kriminale nuk ndalon në veprën e tij makabër për të qeverisur pa opozitë, për të konsoliduar monizmin e tij, don të përjashtojë nga zgjedhjet e 14 majit, PD-në.
Por kjo dëshirë e tij merr fund, kjo ëndërr e tij bëhet pluhur.

Deklarata e kreut të PD vjen një ditë pasi ish-e dashura e Charles McGonigal rrëfeu në Euronews Albania, njohurinë e saj për lidhjen Rama-McGonigal. Alison Guerriero tha se Rama dhe McgGonigal komunikonin përmes një aplikacioni të posaccëm "Viasat", hanin darka dhe dreka si dhe kishin një komunikim të rregulltë./Dosja.al

sali berisha arrestohet charles mcgonigal

Sondazh

Poll

MË SHUMË