Sport

Chelsea ngec përballë një Fulhami të ashpër, sytë të gjithë te Enzo Fernández...

Barazim i pamjaftueshëm (0-0) për ‘Blutë’ që vazhdojnë me dinamikën e tyre të keqe Premier League: 2 fitore në 11 ndeshjet e fundit

4 Shkurt 2023, 07:00 Nga DOSJA

Chelsea ngec përballë një Fulhami të ashpër, sytë

ANGLI - Milionat nuk kanë asnjë efekt te një Chelsea mediokër që u përplas dhe nuk e çau murin e ngritur nga Fulham. “Blutë” nuk janë në gjendje të shkojnë më shumë se një barazim 0-0, duke vazhduar me dinamikën e tyre negative. Nga ana e tij, ky Fulham 'i mrekullueshëm'  është i gjashti, katër pikë prapa zonës europiane.

Chelsea kishte një slogan të qartë: FITO! Pas shpenzimeve të tepruara për transferta gjatë merkatos së dimrit (329.5 milionë), skuadra e Graham Potter nuk mundi të arrinte atë që kërkonte, fitoren. Përveç kësaj nevoje urgjente, për të përkthyer shpenzimet ekonomike në rezultate të mira, 'bluve' iu desh të shkurtonin edhe një bilanc shumë të dobët prej 2 fitoresh në 11 ndeshjet e fundit të Premierligës.

Përpara kishin Fulhamin e Marco Silvës , një skuadër pa pengesa. Ata ishin gati të kalonin në epërsi në 25', por Kepa me një dorë fantastike pengoi golin e Andreas Pereira. Megjithatë, shansi më i mirë i pjesës së parë do të binte në këmbët e Kai Havertz, i cili pas një goditjeje thuajse perfekte, e dërgoi topin në shtyllë në rastin e fundit të pjesës së parë.

Chelsea ngec përballë një Fulhami të ashpër, sytë

Në pjesën e dytë, Chelsea ishte më kërkues, por ‘blutë’ nuk ishin mire sa për të shkuar te goli, aq më pak me Mount, njeriun përgjegjës për ta bërë skuadrën të luajë. Anglezi nuk është 'lojtari' që i duhet Chelsea për të krijuar raste shënimi. 

Sakaq, lojtari më i shtrenjtë në historinë e Premier League, argjentinasi, me gjithë prozhektorët tek ai, nuk ra në sy në lojë. Ai ishte një Enzo i pasaktë në pasim, por i sjellshëm në mbrojtje. Gjithsesi, një debutim që ishte larg asaj që pritej për mesfushorin fantastik argjentinas që fitoi Kupën e Botës.

'Blutë' dominuan plotësisht lojën, por Fulham u mbrojt duke krijuar një mur të pathyeshëm, duke marrë kësisoj një pikë shumë të vlefshme për ‘shtepiakët’ dhe të pamjaftueshme për ‘blutë’. 

B.T (Dosja.al)

Sondazh

Poll

Sport 3 Shkurt 2023, 19:39

Chelsea, armiku i ri i Paris SG-së...

FRANCE - Rrëmujë e re dhe armik i ri i PSG-së, pas një afati kalimtar të janarit. Marrëdhënia mes PSG-së dhe Chelseat ...

MË SHUMË