Politike

Gjyqi për PD-në në Apel, përcaktohen gjyqtarët e çështjes

Në bazë të shortit, është përcaktuar gjyqtarja Elona Mihali e cila do të jetë relatorja e çështjes, ndërsa trupa gjykuese do të përbëhet nga Astrit Kalaja dhe Ireida Kacerja.

3 Shkurt 2023, 13:21 Nga A.B
Gjyqi për PD-në në Apel, përcaktohen gjyqtarët e
Seanca

TIRANË- Ditën e sotme, në ambientet e Gjykatës së Apelit të Juridiksionit të Përgjithshëm nisi procedura e rindarjes me short elektronik të çështjeve gjyqësore. Një nga çështjet për të cilat është hedhur shorti sot ishte dhe ajo për vulën e Partisë Demokratike.

Në bazë të shortit, është përcaktuar gjyqtarja Elona Mihali e cila do të jetë relatorja e çështjes, ndërsa trupa gjykuese do të përbëhet nga Astrit Kalaja dhe Ireida Kacerja.

Ivi Kaso, përfaqësuesi ligjor i PD-së i drejtuar nga kryedemokrati Sali Berisha ishte prezent në procesin e hedhjes së shortit, për të mësuar se kush do të jetë trupa gjykuese për këtë çështje. Pas përfundimit të shortit, Kaso nuk ka preferuar të japë një prononcim për mediat.

Kreu i KQZ-së Ilirjan Celibashi bëri thirrje që të sqarohet kjo çështje pasi PD rrezikon regjistrimin në zgjedhje. Palët në PD janë ndarë që pas Kongresit të 11 dhjetorit të vitit 2021, ku Berisha mori kontrollin e partisë.

elona mihali vula e pd

Sondazh

Poll

MË SHUMË