Aktualitet

115 familje në “Qytetin Studenti” të hequr nga programi i rindërtimit: Ky ishte tërmeti i dytë për ne

Banorët thonë iu është ndërprerë bonusi që prej nëntorit, ndërkohë që pak ditë para Vitit të Ri banorët mësuan se janë skualifikuar nga programi i rindërtimit ku ishin pjesë që prej vitit 2019, ndërsa tashmë nuk kanë as shtëpi dhe as bonus qiraje.

3 Shkurt 2023, 12:58 Nga I.A
115 familje në “Qytetin Studenti” të hequr nga programi i
Qytetaret

TIRANË- Emisioni “Fol” në MCN TV, u ndal pasditen e së mërkurës në rastin e 115 familjeve në “Qytetin Studenti”, të cilët prej tre vitesh ishin përfshirë në programin e rindërtimit. Banorët thonë iu është ndërprerë bonusi që prej nëntorit, ndërkohë që pak ditë para Vitit të Ri banorët mësuan se janë skualifikuar nga programi i rindërtimit ku ishin pjesë që prej vitit 2019, ndërsa tashmë nuk kanë as shtëpi dhe as bonus qiraje.

Njëri nga banorët që ka jetuar te godina Nr.15 prej 10 vitesh, deklaroi se kanë hyrë me dokumentacion të rregullt, duke u pranuar nga drejtoria e konvikteve, kanë marrë dhe kontratën e qirasë.

"Nuk jemi siç na ka quajtur kryetari uzurpues apo zaptues, i kemi paguar një nga një detyrimet. Jo se ka qenë ambient për të jetuar, por nga halli dhe problemet që kishim si të pastrehë përfunduan aty. Në 27-28 dhjetor 2022 mësuam se ishim skualifikuar, na erdhi si dhuratë për Vit të Ri, ndërkohë që ne prisnim të merrnim shtëpitë e reja. Na kanë thënë se këta që janë trajtuar me dokumentacion DS5 të dalë nga tërmeti dhe trajtohen me bonus qiraje do të marrin shtëpi të reja. Kur mësuam lajmin, ky ishte tërmeti i dytë për ne. Ky qe 7 ballë, na shkundi fare. Që ditën që doli skualifikimi, u ndërpre dhe bonusi.

Aktualisht paguaj 250 mijë lekë qira, tek “Depot e Ujit”. Pronari është treguar zemërmirë me ne. Nuk i plotësojmë dot dhe të ardhurat familjare se me një rrogë jemi. I kemi nisur një shkresë Kryeministrit dhe kryetarit të bashkisë, Erion Veliaj që ta shikojë njëherë këtë problemin tonë. Paguanim 130 mijë lekë të vjetra në momentin që ra tërmeti, i kemi faturat një më një. Kanë ardhur dhe muxhahedinët dhe janë strehuar, kurse për ne jo, nuk ka. Nuk di pse na trajtojnë si zaptues dhe uzurpues. Ne kemi paguar si taksapagues të rregullt dhe qytetarë të rregullt," tha një banor.

Një tjetër banore deklaroi se gjatë kohës që kanë jetuar në godinë janë ndërruar katër Kryeministra dhe se në godinë u futën, pasi humbën paratë në firmat piramidale.

qytet studenti erion veliaj

Sondazh

Poll

MË SHUMË