Aktualitet

SPAK i sekuestroi celularin, babai i këshilltarit të Ballës i arrestuar për korrupsion, u lirua nga burgu pa VENDIM gjykate

Dosja.al e ndoqi rastin e Fiqiri Xhanit në vitin 2019 dhe zbuloi se një ditë më pas ai u lirua nga burgu, pa një vendim gjykate.

1 Shkurt 2023, 20:51 Nga A.B
SPAK i sekuestroi celularin, babai i këshilltarit të Ballës i
Eraldo Xhani

TIRANË- Prokuroria e Posaçme kundër Krimit dhe Korrupsionit (SPAK) ka sekuestruar celularin e "krahut të djathtë" të Taulant Ballës, Eraldo Xhani. Ky i fundit, rezulton të jetë nën hetim për korrupsion në tenderat publikë. Prokurorët e SPAK kanë dyshime njeriu i Ballës ka bashkëpunuar për të favorizuar në tendera kompaninë e një personi të njohur të botës së krimit në Elbasan. Bëhet fjalë për disa tendera ushqimesh për Drejtorinë e Burgjeve, të cilat zhvillohen nga Agjencia e Blerjeve të Përqendruara në Ministrinë e Brendshme. 

Po kush është Eraldo Xhani? 

Eraldo Xhani, njihet si këshilltari i kreut të grupit parlamentar i PS-së, Taulant Ballës. Në rrjetin e tij social, Xhani i cili numëron 5,8 mijë ndjekës, mban webin e Partisë Socialiste dhe është tepër i përkushtuar në shpërndarje ndaj çdo publikimi të kryeministrit apo vetë Ballës. Në fotot e bëra publike, Xhani shihet se ka marrë pjesë në aktivitete të ndryshme brenda vendit dhe jashtë, si përfaqësues i PS-së.

SPAK i sekuestroi celularin, babai i këshilltarit të Ballës i

Mirëpo, Dosja.al zbulon se këshilltari i Ballës, rezulton të jetë djali i efektivit të Policisë Rrugore, Fiqiri Xhani, i arrestuar më 23 korrik 2019-ën.

SPAK i sekuestroi celularin, babai i këshilltarit të Ballës i
Eraldo Xhani

Efektivi i Policisë Rrugore ishte pjesë e grupit të 5 policëve të Policisë Rrugore, që merrnin para në këmbim të ryshfetit. Dosja.al raportoi në atë kohë se ky grup favorizonin shoferët për të mos iu hequr patentën.

Lajmi u njoftua nga Policia më 23 korrik, ndërkohë që pak orë pas ndalimit, në mediat online Dosja.al vëreu se emri i Fiqiri Xhanit, në ndryshim nga efektivët e tjerë ishte “censuruar”.

SPAK i sekuestroi celularin, babai i këshilltarit të Ballës i

Dosja.al e ndoqi rastin e Fiqiri Xhanit në vitin 2019 dhe zbuloi se një ditë më pas ai u lirua nga burgu, pa një vendim gjykate.

Në atë kohë, Eraldo Xhani tha për Dosja.al se i gjithë informacioni i nevojshëm është botuar zyrtarisht, dhe nuk ka asnjë koment për lirimin e të atit. “Nuk kam asnjë koment. I gjithë informacioni i nevojshëm është publikuar nga institucionet”.

fiqiri xhani eraldo xhani taulant balla

Sondazh

Poll

MË SHUMË