Bota

'Dërgimi i avionëve ushtarakë në Kiev nuk nxit tensione'/ Ministrja ruse ironizon Macron-in pas deklaratave: Këta avionë do hedhin karamele e biskota?

Zakharova ka ironizuar presidentin francez duke u shprehur se argumentet e tij janë pa logjikë pasi, sipas saj dërgimi i tankeve në Ukrainë i shton më tepër tensionet e luftës, duke u shprehur se nuk ka dëgjuar që tanket të hedhin 'karamele dhe biskota' në ajër. 

1 Shkurt 2023, 18:18 Nga a.l
'Dërgimi i avionëve ushtarakë në Kiev nuk nxit
Maria Zakharova

RUSI- Deklarata e presidentit francez Emmanuel Macron se dërgimi i avionëve ushtarakë në Ukrainë nuk do të çojë në një përshkallëzim është konsideruar si absurde nga Ministrja e Jashtme Ruse, Maria Zakharova. Në një konferencë për mediat të zhvilluar ditën e sotme, Zakharova ka ironizuar presidentin francez duke u shprehur se argumentet e tij janë pa logjikë pasi, sipas saj dërgimi i tankeve në Ukrainë i shton më tepër tensionet e luftës, duke u shprehur se nuk ka dëgjuar që tanket të hedhin 'karamele dhe biskota' në ajër. 

"Ne i kemi kushtuar vëmendje fjalëve të presidentit francez [Emmanuel] Macron, i cili, duke iu përgjigjur një pyetjeje në lidhje me furnizimin e mundshëm të avionëve në Ukrainë, tha: "Asgjë nuk është e ndaluar në parim, me kusht që të jetë e dobishme, veçanërisht, për forcat e armatosura të Ukrainës, nuk do të çojë në një përshkallëzim të konfliktit dhe goditje në territorin rus, nuk do të dobësojë aftësinë mbrojtëse të vetë Francës.' Më falni, por është një lloj absurditeti. Më falni, por gatishmëria e Parisit për të furnizuar Kievin me avionë luftarakë u konfirmua nga ministri francez i Mbrojtjes [Sebastien Lecornu] i cili vizitoi Ukrainën më 28 janar."

"A është vërtet i sigurt presidenti francez se furnizimi i regjimit të Kievit me armë, armë të rënda dhe avionë për operacione luftarake nuk do ta përshkallëzojë situatën? Unë refuzoj të besoj se një i rritur mund të ketë një logjikë të tillë. Vetëm deklarata të tilla, rrisin oreksin tashmë të papërmbajtshëm të regjimit të [Presidentit ukrainas Vladimir] Zelenskyy, i cili, duke bombarduar spitalet dhe masakruar civilë, ka treguar qartë se injeksionet ushtarake perëndimore - si e tha zoti Macron? -nuk do të çojnë në një përshkallëzim të konfliktit. Epo, sigurisht, ata 'të japin' paqe. Është e qartë se këta avionë do të përdoren për të hedhur biskota dhe karamele, apo jo? Unë kam një ndjenjë tjetër."

Deri më tani, Gjermania ka njoftuar dërgimin e 14 tankeve luftarake Leopard 2 "si hap i parë", ndërsa Kanadaja ka premtuar katër. Koha e parashikuar për riparimin e tankeve spanjolle Leopard 2 (që mund të kalojë gjysmë milioni euro për njësi, sipas ekspertëve) do të përkojë me dy muaj e gjysmë të kursit të trajnimit që ushtria spanjolle ka projektuar për ekuipazhet ukrainase. Kjo është një periudhë jashtëzakonisht e shkurtër, por konsiderohet e mjaftueshme nëse ekuipazhet janë tashmë të specializuar në tanke luftarake, edhe nëse ato janë modele të ndryshme, dhe nëse më së shumti shfrytëzohet koha e praktikës përmes përdorimit intensiv të simulatorëve stërvitor dhe softuerëve si p.sh. Steel Beast , një lloj video loje e përshtatur për automjete të ndryshme luftarake./ Dosja.al

 

maria zakharova

Sondazh

Poll

MË SHUMË