Sport

36 faqe për të sqaruar shkeljet e Juventusit, që sollën heqjen e 15 pikëve

Nga faktet e reja, që çuan në rihapjen e procesit sportiv për fitimet kapitale, “nuk ka asnjë provë specifike demonstruese për shoqëri të tjera”.

30 Janar 2023, 22:40 Nga DOSJA
36 faqe për të sqaruar shkeljet e Juventusit, që sollën

ITALI - Janë 36 faqe me të cilat Gjykata Federale e Apelit e FIGC ka justifikuar dënimin e Juventus me 15 pikë penalitet në kampionatin aktual. Pa harruar sanksionet e vendosura ndaj anëtarëve të bordit drejtues të dorëhequr bardhezinj. Dispozitivi u zbulua nga FIGC në faqen e saj të internetit: “Juventus ka kryer një shkelje disiplinore sportive. Kjo, duke marrë parasysh seriozitetin dhe natyrën e përsëritur dhe të zgjatur të shkeljes”.

Juve ka kryer parregullsinë “dhe kjo vihet re në dokumentacionin që vjen nga drejtuesit” e klubit “me vlerë rrëfimtare dhe nga dorëshkrimet përkatëse, përgjimet dhe provat e mëtejshme në lidhje me ndërhyrjet për fshehjen e dokumenteve apo edhe manipulimin e faturave”.

Gjykata Federale e Apelit FIGC pranoi kërkesën e Prokurorit Publik për revokimin e gjyqit të fitimeve kapitale për Juventus “përballë një tabloje rrënjësisht të ndryshme të fakteve”. Kjo për shkak të sasisë mbresëlënëse të dokumenteve të marra nga Prokuroria Publike e Torinos.

Ato nxirrnin në pah qëllimshmërinë në bazë të ndryshimit të operacioneve të transferimit dhe vlerave të lidhura. Për sa i përket sanksionit – vazhdojnë arsyet – Gjykata mori parasysh peshën e veçantë dhe natyrën e përsëritur dhe të zgjatur të shkeljes”.

Nga faktet e reja, që çuan në rihapjen e procesit sportiv për fitimet kapitale, “nuk ka asnjë provë specifike demonstruese për shoqëri të tjera”.

Gjykatësit sportivë, në fakt, kanë konsideruar se “në faktet e reja që kanë dalë, nuk ka asnjë provë konkrete dëshmuese që lejon të mbështesë akuzën. E aq më pak duket e mundur të argumentohet se ka pasur një ndryshim sistematik të disa bilanceve”. Në bazën e këtyre motivacioneve, avokatët e Juventus do të ndërtojnë mbrojtjen, në Këshillin e Garancisë në CONI.

B.T (Dosja.al)

Sondazh

Poll

MË SHUMË