Sport

Japonezi Mitoma, futbollisti që vuri studimet para kontratës profesionale...

Heroi i Brightonit këtë të dielë, duke shënuar golin me të cilin ‘pulëbardhët’ eliminuan Liverpoolin nga FA Cup, fsheh një histori më se kurioze.

29 Janar 2023, 19:03 Nga DOSJA
Japonezi Mitoma, futbollisti që vuri studimet para kontratës

ANGLI - Kaoru Mitoma është një futbollist ndryshe nga të tjerët. Kjo është për shkak të veçorive të tij si lojtar dhe për shkak të historisë që fshihet në atë se, në kohën e tij, ai refuzoi një kontratë profesionale për të bërë një tezë universitare. Ndodhi gati një dekadë më parë, kur një 16-vjeçar Mitoma (tani është 25 vjeç) i tha 'Jo' një oferte nga skuadra Kawasaki Frontale e divizionit të parë japonez, duke rrezikuar që ky tren të ishte një nga ata që kalon vetëm një herë në jetë.

I riu, Kaoru, u regjistrua në Edukim Fizik në Universitetin e Tsukuba dhe, pavarësisht nga fakti se ai nuk ishte i keq në futboll, ai vendosi të përqendrojë të gjitha përpjekjet e tij në jetën akademike. Megjithatë, ai nuk e humbi nga sytë topin, aq më pak, sepse përfundoi duke bërë një tezë mbi artin e driblimit, si një mjet për të mposhtur kundërshtarët. 

"Isha i zoti, por nuk e shfrytëzova shpejtësinë time si tani. Fuqia e driblimit tim u dyfishua", ka deklaruar së fundmi vetë Mitoma, duke theksuar se kërkimet e tij e kanë ndihmuar të bëhet lojtar më i mirë.

Dhe si u bë një japonezi një futbollist profesionist? Epo, ishte në sezonin 2020/21, kur Kawasaki Frontale trokiti sërish në derën e tij, pasi kishte mbaruar studimet universitare. Pjesa tjetër është histori. Nga liga japoneze kaloi në Premier League, pasi më parë ishte në Belgjikë me Union Saint Gilloise, për të përfunduar te Brighton, që është një nga skuadrat që zbulon më së miri talentet në tregje pak të njohura. Mitoma, djali që në kohën e tij i vuri studimet para një kontrate profesionale, sot është një futbollist i nivelit të lartë që nuk ka çati.

B.T (Dosja.al)

Sondazh

Poll

MË SHUMË