Sport

Serie A/ Edhe Juventus befasohet nga Monza, 'Zonja e Vjetër' ka humbur rrugën…

Juventusi humbi këtë të dielë në Torino ndaj Monzas (0-2). Arnimi i keq vazhdon për ‘Zonjën e Vjetër’, tashmë e 13-ta në renditje.

29 Janar 2023, 17:38 Nga DOSJA
Serie A/ Edhe Juventus befasohet nga Monza, 'Zonja e Vjetër' ka

ITALI - Një pasdite e vështirë për skuadrat e mëdha italiane. Pas humbjes së rëndë (2-5) të AC Milanit kundër Sassuolos, edhe Juventus humbi 0-2 në shtëpi kundër Monza, një nga tre skuadrat e promovuara të sezonit.

Megjithatë, rezultati nuk është aq befasues duke pasur parasysh ndeshjen. Ishin vendasit ata që u treguan të parët të rrezikshëm. Madje ata menduan se hapën rezultatin në minutën e 9-të me Gianluca Caprari, por goli i tij u anulua për pozicion jashtë loje.

Pak çaste më vonë, një tjetër gabim në mbrojtje nga Juve, e lejoi Patrick Ciurria (18’) të shënonte golin e parë të ndeshjes (0-1), i treti i tij në Serie A. Para pushimit, kjo skuadër befasuese e Monzas, bëri edhe dyfishimin e epërsisë me anë të Dany Mota (39’), i cili fiksoi rezultatin 0-2.

Në pjesën e dytë, bardhezinjtë u përpoqën të riktheheshin në lojë, por mbrojtja e Monzas qëndroi, veçanërisht falë portierit të tyre Michele Di Gregorio, i cili bëri tre pritje të mëdha për të mbajtur avantazhin (61’, 65’, 75’). Juventusi shënoi me Milik (78’), por goli u refuzua për pozicion jashtë loje.

Pa kontroll në pjesën e parë dhe jo mjaftueshëm efikas në pjesën e dytë, Juventus për këtë arsye u përkul. Bardhezinjtë vazhdojnë kështu ecurinë e keqe, pas 15 pikëve që iu hoqën më 21 janar, për shkak të mashtrimit në transferta dhe barazimit të pësuar fundjavën e kaluar, 3-3 ndaj Atalanta së Bergamos.

Juventusi tani është në vendin e 13-të në renditje. Ndërkohë Monza vazhdon të befasojë.  Formacioni i Raffaele Palladino nuk ka humbur që nga 10 nëntori në kampionat dhe tashmë është në vendin e 11-të.

B.T (Dosja.al)

Sondazh

Poll

MË SHUMË