Sport

Brighton - Liverpool 2-1: ‘Reds’ eliminohen në FA Cup prej 'magjisë' japoneze të Mitomas, ‘Pulëbardhat’ janë në 16-she…

Goli i japonezit Mitoma vulosi ‘befasinë’ (2-1) Brightonit, duke i siguruar një kualifikim në 16-shen e FA Cup. ‘Pulëbardhat’ eliminuan mbajtësit të trofeut, Liverpool

29 Janar 2023, 17:20 Nga DOSJA
Brighton - Liverpool 2-1: ‘Reds’ eliminohen në FA Cup prej

ANGLI - Mjaftoi pak magji japoneze për të shënuar fitoren epike të Brighton ndaj  Liverpoolit dhe për ta lënë tani skuadrën e Kloppit të ëndërronte vetëm për Champions League, pasi tani janë jashtë Kupës, Kupës së Ligës dhe shumë larg majës së Premierligës. Goli i Mitomas në kohën shtesë, i dërgoi ‘Pulëbardhat’ në 16-shen e FA dhe eliminoi mbajtësin e trofeut...

Që në fillim u duk se të dyja skuadrat ishin të gatshme të hidhnin gazin dhe të kërkonin golin. Në minutën e 4-të, Dunk shpëtoi goditjen e Salah nga vija anësore dhe 11 minuta më vonë, Arnold bëri të njëjtën gjë në krosimin e Fergusonit nga zemra e zonës. 

Brighton ushtroi presion kryesisht lart. Kur ajo vidhte topin apo gjente kombinime, arrinte të kërcënonte, por në të njëjtën kohë linte hapësira në shpinë, të cilat Reds mund t'i shfrytëzonin.

Në minutën e 25-të, egjiptiani Sakah kërcënoi sërish, por pa e gjetur objektivin. Në minutën e 30-të, megjithatë, ai kaloi një krosim të shkëlqyer për Elliott , i cili shënoi 1-0 për Liverpool. ‘Pulëbardhat’ e kërkuan përgjigjen e tyre dhe e gjetën me një dozë fati në minutën e 39-të. Lambte gjuajti nga distanca, pasi shpërndau mbrojtjen e ‘Reds’, topi shkoi kundër Dunk, që kapi Alisson në befasi dhe 1-1.

Në pjesën e dytë u deshën rreth 25 minuta që të dyja skuadrat të futeshin në një fazë të mirë. Në minutën e 71-të, Mitoma pas një përpjekjeje të mire, e ktheu topin nga e majta dhe Allison  instinktivisht i tha ‘Jo’. Në momentin kur gjithçka dukej se dy skuadrat do t'i drejtoheshin shtesave,  Kaoru Mitoma shkundi pluhurin e tij të yjeve, duke shënuar një gol të mrekullueshëm dhe dhënë skuadrës së tij kualifikimin e madh pas rezultati 2-1.

B.T (Dosja.al)

Sondazh

Poll

MË SHUMË