Aktualitet

6 vite hetime! Si ra Guardia di Finanza në "gjurmët" e 4 vëllezërve shqiptarë, merrnin kokainën nga Shqipëria, e shisnin në Brescia

Hetimi nisi 6 vite më parë, pasi një çantë shpine me 2 kile kokainë brenda u hodh nga një makinë në autostradë. Por mjeti u ndalua në kohë nga Policia Rrugore, e pasagjerët u prangosën. 

27 Janar 2023, 11:58 Nga k.m.
6 vite hetime! Si ra Guardia di Finanza në "gjurmët" e 4
Foto ilustruese

ITALI- Mes 43 të arrestuarve gjatë një hetimi ndërkombëtar për trafikun e drogës që përfshinte Italinë dhe Shqipërinë, janë edhe 4 vëllezër që banojnë në Palazzolo sull'Oglio, në zonën e Brescias. Hetimi nisi 6 vite më parë, pasi një çantë shpine me 2 kile kokainë brenda u hodh nga një makinë në autostradë. Por mjeti u ndalua në kohë nga Policia Rrugore, e pasagjerët u prangosën. 

Sipas mediave italiane, deri më tani numri i përgjithshëm është 119 persona të arrestuar dhe 26 të shpallur në kërkim. Të prangosurve iu është sekuestruar pasuri me vlerë 4,068,340 euro. Guardia di Finanza të Brescias në vitin 2017 kishte identifikuar dy “fabrika” të kokainës dhe heroinës në Kremones dhe Milano: ku droga vinte e pastër nga Shqipëria dhe më pas pritej dhe shpërndahej në veri të Italisë.

Lënda më pas shitej edhe në zonën e Brescias nëpërmjet një grupi kriminal të përbërë nga katër vëllezër me origjinë shqiptare nga shtëpia në Palazzolo sull'Oglio dhe prej andej më pas mbërriti në provincat e Bergamos dhe Milanos. Për të fshehur substancat, tregtarët e drogës përdornin dyshemenë e dyfishtë në makinat me motor të madh: në harkun e rrotave, pas targës etj. Në total u sekuestruan 120 kilogramë kokainë dhe 15 heroinë shumë të pastër, 92 kilogramë hashash dhe 129 kilogramë marijuanë.

brescia operacion antidrogë në itali

Sondazh

Poll

MË SHUMË